வெற்றி கொள்ளும் இலை-வெற்றிலை

by முழுமுதலோன் Tue Dec 10, 2013 1:22 pm

வெற்றிலை

எந்தவிதமான நோயையும் வெற்றி கொள்ளும் இலை இது என்பதால் வெற்றிலையை பூஜைக்கு முதலில் பயன்படுத்துகிறோம். சடங்குகள் அத்துனையிலும் பயன்படுத்துகிறோம். வயிறு முட்ட சாப்பிட்ட போதும் செரிமானத்துக்குச் சாப்பிடுகிறோம். வெற்றிலைக் காம்பைக் கிள்ளி வயிற்று வலியால், மலம் போகமுடியாமல் அழும் குழந்தையின் ஆசனவாயில் வைத்தால் உடனேயே மலம் கழிந்துவிடும். யானைக்கால் நோய் கண்டவர்கள், சுரத்தால் அவதிப்படுபவர்கள். வெற்றிலையை அரைத்து கஷாயம் போட்டு குடித்து வந்தால் (48 நாட்கள்) நோய் குணமாகும். Anti Fungal, Anti Virus, Anti Inflamatory என்ற மருத்துவ குணம் உடையது.

வெற்றிலைச் சாற்றோடு சிறிது தேன் கலந்து கண்ணில் மை போல போட்டு வந்தால், கண் எரிச்சல், கண் பொங்கிவருதல், கண் சிவப்பாக இருப்பது போன்ற கண் நோய்களுக்கு அருமருந்து. வெற்றிலைச் சாற்றோடு மிளகு சேர்த்து கஷாயம் வைத்துச் சாப்பிட்டு வந்தால் கபம், சளி, இருமலுக்கு நல்ல மருந்து. வெற்றிலைச் சாற்றோடு சுண்ணாம்பு சேர்த்து தொண்டையில் கரகரப்பு, கட்டு இருந்தால் தொண்டையில் தடவிவர சரிசெய்யும். குழந்தை பிறந்ததில் இருந்து இறைவனிடம் சென்று சேரும் வரை வெற்றிலையைப் பயன்படுத்துகிறோம்.

https://www.facebook.com/