சோளம்\தட்டைப்பயறு சுண்டல்

சோளம்\தட்டைப்பயறு சுண்டல்

தேவையானவை: சோளம் - ஒரு கப், தட்டைப்பயறு, வெங்காயம் (நறுக்கியது) - தலா கால் கப், பச்சை மிளகாய் - 2, மஞ்சள்தூள் - கால் டீஸ்பூன், கறிவேப்பிலை, கொத்தமல்லி - சிறிதளவு, தேங்காய் துருவல் - ஒரு டேபிள்ஸ்பூன், எண்ணெய், கடுகு, உளுத்தம்பருப்பு - சிறிதளவு, உப்பு - தேவையான அளவு.

செய்முறை: சோளத்தில் சிறிது தண்ணீர் தெளித்துப் பிசறி மிக்ஸி விப்பரில் 2 முறை சுற்றி எடுத்து, தண்ணீரில் கழுவினால் தோல் நீங்கிவிடும். குக்கரின் முதல் அடுக்கில் 2 கப் தண்ணீரில் சோளத்தைப் போடவும். அடுத்த அடுக்கில் அரை கப் தண்ணீரில் தட்டைப் பயறை வைத்து 6 விசில் வந்ததும் இறக்கி இரண்டையும் வடிகட்டவும். கடாயில் எண்ணெய் விட்டு கடுகு, உளுத்தம்பருப்பு தாளித்து, வெங்காயம், பச்சை மிளகாய், மஞ்சள்தூள், கறிவேப்பிலை போட்டு வதக்கவும். அதில் வேக வைத்து வடிகட்டிய சோளம், தட்டைப்பயறு, உப்பு சேர்த்து நன்றாகக் கிளறவும். பிறகு, தேங்காய் துருவல், நறுக்கிய கொத்தமல்லி தூவிக் கிளறி, இறக்கி பரிமாறவும்.

http://kitchenpages.blogspot.in/