ஏர்டெல் பேஸ்புக் மாநில மொழிகளில்

இந்தியாவில் மொபைல் போன் சேவை வழங்குவதில் முன்னணியில் இயங்கும் ஏர்டெல் நிறுவனம், தன் ப்ரீபெய்ட் வாடிக்கையாளர்களுக்கு, பேஸ்புக் பயன்பாட்டினை மாநில மொழிகளில் வழங்குகிறது. இது ஓர் இலவச சேவையாகும்.

தங்கள் மொபைல் போனில் பேஸ்புக் பயன்படுத்தும் ஏர்டெல் வாடிக்கையாளர்கள், இனி 9 இந்திய மாநில மொழிகளில் இதனைப் பயன்படுத்தலாம். போட்டோக்களை அப்லோட் செய்வது, பார்த்து ரசிப்பது, ஸ்டேட்டஸ் அப்டேட் செய்வது, கமெண்ட் எழுதுவது, பேஸ்புக் சுவர்களில் எழுதுவது ஆகியவற்றை தமிழ், ஹிந்தி, பெங்காலி, குஜராத்தி, மராத்தி, பஞ்சாபி, தெலுங்கு, கன்னடம் மற்றும் மலையாளம் மொழிகளில் மேற்கொள்ளலாம்.

தற்போது மொபைல் இணையம் பயன்படுத்துவோர், தங்கள் மொபைல் போனில் m.facebook.com. என்ற தளம் சென்று, பதிந்து கொண்ட பின்னர், இந்த வசதியைப் பெறலாம். சிறப்பு வசதிகளைக் கொண்ட போன்கள், ஜாவா, ஆண்ட்ராய்ட், ஐபோன் மற்றும் விண்டோஸ் போன்கள் ஆகியவற்றுடன் இது இணைந்து கிடைக்கும்.

இலவசமாக இந்த சேவை குறிப்பிட்ட காலம் வரையே கிடைக்கும் என்றும் அறிவிக்கப்பட்டுள்ளது. மாதத்திற்கு 30 எம்.பி. என்ற அளவில் பேஸ்புக் தளத்தினைப் பயன்படுத்திக் கொள்ளலாம். எவ்வளவு காலம் இந்த வசதி இலவசமாகக் கிடைக்கும் என்பதனை இன்னும் ஏர்டெல் அறிவிக்க வில்லை.

நன்றி மொபைல் மலர்

நான் ஏர்செல்