பேட் டச் என்றால் என்னவென்று உங்கள் மகளுக்குத் தெரியுமா?

by முரளிராஜா Fri Jan 10, 2014 12:36 pm

நாம் நமது குழந்தைகளுக்கு புராணக் கதைகளையும், இதிகாசங்களையும் சொல்லிக் கொடுத்து வளர்ப்பது போல, தற்போது தற்காப்புக் கலைகளையும் சொல்லிக் கொடுக்க வேண்டியது அவசியமாகிவிட்டது.

காரணம்.. தற்போது பெண்களுக்கு எதிராக நடக்கும் பாலியல் வன்கொடுமைகள்தான். சிறுமிகள் முதல் இளைஞகிள், பெண்கள் வரை இதில் யாருமே விதிவிலக்கு அல்ல..
பேருந்து, ரயில், பள்ளியில், விடுதியில், அலுவலகத்தில் என தினம் தினம் பாலியல் வன்கொடுமைகள் நிகழ்ந்து கொண்டுதான் இருக்கின்றன.

இதில் இருந்து தற்காத்துக் கொள்ள வெளியே செல்லாமலே இருக்க முடியாது. எனவே, நமது குழந்தைகளுக்கு சில விஷயங்களை சொல்லிக் கொடுக்க வேண்டும்.
அதிலும் சிறுமிகளுக்கு அவர்களுக்கு பாலியல் வன்கொடுமை என்றால் என்ன என்பதே தெரியாத நிலையில், அவர்களுக்கு ஏற்படும் துன்புறுத்தல்களை எதிர்கொள்ள அவர்களை தயார் படுத்த வேண்டும்.

அதற்காக அவர்களுக்கு தாய்மார்கள் சொல்லிக் கொடுக்க வேண்டியது பேட் டச் என்றால் என்ன என்பதே.

பள்ளியிலும், டியூஷன் சென்டரிலும், பயிற்சிக் கூடத்திலும் ஆண் பயிற்சியாளர்களின் சீண்டல்களை கண்டுபிடித்து அவர் நம்மை தவறாக நடத்துகிறார் என்பதை உணர்ந்து கொள்ள தாய்மார்கள் தங்களது குழந்தைகளுக்கு இதனை சொல்ல வேண்டும்.

பேட் டச் என்பது, ஒருவர் நம்மை முதுகில் தட்டிக் கொடுக்கலாம், கை குலுக்கலாம், கன்னத்தை தட்டிக் கொடுக்கலாம், தலையில் கை வைக்கலாம்.. ஆனால், அதே சமயம், கன்னத்தைக் கிள்ளக் கூடாது, தொடை, நெஞ்சு, அடிவயிறு, போன்றவற்றை யாரும் தொடக் கூடாது. இவையெல்லாம் பேட் டச் என்று சொல்லி வைக்கலாம்.

நன்றி தினமணி மற்றும் வாணிஸ்ரீ சிவகுமார் -