துணிகளில் படிந்த கிரீஸ் கறைகளைப் போக்க சில ஈஸியான வழிகள்!

கார் அல்லது இயந்திரத்தை சுத்தம் செய்யும் போது விருப்பமான துணிகளில் கிரீஸ் கறை படிந்துவிட்டதா? அத்தகைய கறைகளைப் போக்குவது கஷ்டம் என்று நினைத்து, விருப்பமான அந்த துணியை தூக்கி எறிவதோ அல்லது வீட்டைத் துடைக்கவோ பயன்படுத்துகிறவர்களா?

அப்படி உடுத்தும் துணிகளில் கிரீஸ் படிந்துவிட்டால், அப்போது அதனை தூக்கிப் போட நினைக்காமல், அதனை எப்படி ஈஸியாக நீக்குவது என்று யோசிக்க வேண்டும். அதிலும் கறை படிந்த உடனேயே எதனைக் கொண்டு அலசினால், உடனே கிரீஸ் கறை நீங்கும் என்பதை தெரிந்து கொள்ள வேண்டும். ஏனெனில் துணிகளில் கிரீஸ் படிந்து நன்கு உலர்ந்துவிட்டால், பின் அந்த கறையைப் போக்குவது கடினம்.


எனவே கறை படிந்த உடனேயே எந்த ஒரு செயலையும் மேற்கொள்ள வேண்டும். குறிப்பாக கீழே கொடுக்கப்பட்டுள்ள செயல்களை கறை படிந்த உடனேயே செய்தால், நிச்சயம் கிரீஸ் கறையானது விரைவில் நீங்கிவிடும். சரி, இப்போது துணிகளில் படிந்த கிரீஸ் கறைகளைப் போக்க உதவும் வழிகளைப் பார்ப்போம்.

டால்கம் பவுடர்
துணிகளில் கிரீஸ் படிந்துவிட்டால், அப்போது நீரைக் கொண்டு தேய்த்தால், கறை தான் பரவும். ஆனால் அந்நேரம் டால்கம் பவுடர் அல்லது பேபி பவுடரை கறை படிந்த இடத்தில் தூவி தேய்த்தால், கறையானது போய்விடும்.

உப்பு
மற்றொரு சிறப்பான வழியென்றால் அது உப்பு தான். அதற்கு 1 பகுதி உப்பில் 4 பகுதி ஆல்கஹால் சேர்த்து நன்கு தேய்க்க வேண்டும். குறிப்பாக அப்படி தேய்க்கும் போது கவனமாக தேய்க்கவும். இல்லாவிட்டால், துணியின் ஃபேப்ரிக் பாழாகிவிடும்.

பேக்கிங் சோடா
பேக்கிங் சோடா கூட ஒரு சூப்பரான கிரீஸ் கறையை நீக்க உதவும் பொருள். அதிலும் அந்த பேக்கிங் சோடாவை கறை படிந்த இடத்தில் தூவி 15-20 நிமிடம் ஊற வைத்து, பின் ஈரமான ஸ்பாஞ்ச் கொண்டு தேய்த்தால், கிரீஸ் கறையானது ஈஸியாக நீக்கிவிடும்

வினிகர்
எலுமிச்சை மற்றும் வினிகர் கலவையும் நல்ல தீர்வைத் தரும். அதற்கு இந்த கலவையை கறை படிந்த இடத்தில் தெளித்து 10 நிமிடம் ஊற வைத்து, பின்பு தேய்த்தால் கறை மங்க ஆரம்பிக்கும். இல்லாவிட்டால் வினிகர் மற்றும் உப்பு கலந்து, அதனை கறை உள்ள இடத்தில் பயன்படுத்தினாலும், கறை போய்விடும்.

கார்ன் ஸ்டார்ச்
டால்கம் பவுடரைப் போன்றே கார்ன் ஸ்டார்ச்சும் கிரீஸ் கறையைப் போக்க உதவும். ஆகவே அந்த கார்ன் ஸ்டார்ச்சை கறை படிந்த இடத்தில் தூவி தேய்த்து, 20 நிமிடம் ஊற வைத்து, பின் டிடர்ஜெண்ட் சோப்பு பயன்படுத்தி துவைத்தால், கறை எளிதில் நீங்கிவிடும்.

http://tamil.boldsky.com/home-garden/improvement/2014/remove-grease-stains-from-clothes-tips-004999.html#slide491892

தகவலுக்கு நன்றி

பதிவுக்குப் பாராட்டுகள்

பகிர்வுக்கு நன்றீ