சிறுவர் பாடல் - (தொடர் பதிவு)

குரங்காட்டம்
------------

-
குட்டிச் சுட்டிக் குரங்கு ;
குதித்தே ஆடுங் குரங்கு ;
முட்டி முட்டிச் சிரித்து ,
முன்னங் கைகள் விரித்து ,
எட்டி இலங்கை தாவும் ;
எடுக்குங் கோலை ஏவும் ;
சட்டி தலையில் கவிழ்த்துத்
தானே யெடுக்கும் அவிழ்த்து !


ஆடு ராமா என்றால்
ஆடிக் கொட்ட மடிக்கும் ;
தேடு ராமா என்றால்
சீதை தேடி நடிக்கும் ;
கோடு ராமா என்றால்
கோட்டைத் தாண்டி முடிக்கும் ;
போடு ராமா என்றால்
போடுங் குட்டிக் கரணம் !

-இராதே

அருமை தொடர்ந்து பதியுங்கள்..

நமது மயில்
----

-
நீண்ட கழுத்து மின்னிட
நீட்டித் தலையை யாட்டி
பாண்டி ஆட்டம் போல
தாவிக் குதிக்கும் மயிலே!
-
கரிய முகிலைக் கண்டு
களிப்பு மிகவும் கொண்டு
அழகுத் தோகை விரித்து
ஆடி மகிழும் மயிலே!
-

பெரிய உனது தோகையில்
எத்தனை வண்ண இறகுகள்
சிறிய தான தலையிலே
எத்தனை சிறிய கொண்டைகள்
-
கூரிய அலகைக் கொண்டு
கொடிய பாம்பினை அடக்கிடும்
பாரத நாட்டுப் பறவையே
நீதான் எமக்கே பெருமை!
-
========================
—
>எஸ்.ஆர்ஜி.சுந்தரம்
பூஞ்சிட்டுகள் ஆட தேன் சொட்டும் பாடல்கள் -

எதிலிருக்குது?
--

--
அக்கா அக்கா புரதச்சத்து எதிலிருக்குது?

பருப்பு கடலை பட்டாணியில் அது இருக்குது!
அக்கா அக்கா மாவுச்சத்து எதிலிருக்குது?
உருளைக்கிழங்கில் அதிகமாக அது இருக்குது!
-


அக்கா அக்கா கொழுப்புச்சத்து எதிலிருக்குது?
வறுத்த உணவில், மாமிசத்தில் அது இருக்குது!
அக்கா அக்கா நார்ச்சத்து எதிலிருக்குது?
காய்கறியில் பழங்களிலே அது இருக்குது!

அக்கா அக்கா இரும்புச்சத்து எதிலிருக்குது?
முருங்கைக்கீரை முருங்கைக்காயில் அது இருக்குது!
அக்கா! அக்கா! நன்று எனக்கு ஐயம் தீர்ந்தது!
சரி, சத்தான உணவை உண்டு நலமாய் வாழ்ந்திடு!

-

———————–
–புதுவைப்பிரபா

நன்றி: சிறுவர் மணி

எங்களை குழந்தையாக மாற்றி ரசிக்க வைத்தமைக்கு நன்றி  

அருமை தொடருங்கள்