எலியை பிடிக்க வைத்திருந்த வடையை தின்றவர் சாவு

திருச்சி உறையூர் பகுதியில் எலியைப் பிடிப்பதற்காக வைக்கப்பட்டிருந்த விஷ மருந்து தடவிய வடையை தின்ற வியாபாரி வியாழக்கிழமை உயிரிழந்தார்.

உறையூர் பருப்புக்காரத்தெருவைச் சேர்ந்த ஜெயராம் (65).மளிகைக்கடை நடத்தி வருகிறார். இவரது மனைவி கஸ்தூரி. வீட்டில் எலிகளின் தொல்லை அதிகம் இருந்ததால் அவற்றை பிடிப்பதற்காக வடையில் விஷமருந்தை தடவி வைத்திருந்தாராம்.

இந்த நிலையில், வியாழக்கிழமை இரவு மது அருந்தி வந்த ஜெயராம், எலிக்காக வைக்கப்பட்டிருந்த வடையை சாப்பிட்டுவிட்டாராம். இதில் மயங்கி விழுந்த அவர் திருச்சி அரசு மருத்துவமனையில் அனுமதிக்கப்பட்டு உயிரிழந்தார்.

இதுகுறித்து உறையூர் போலீஸார் வழக்குப்பதிந்து விசாரித்து வருகின்றனர்.
------------
நன்றி: தினமணி