இன்று கடுமையான மோதல் இந்தியா vs ஆஸ்திரேலியா

கொழும்பு:"டுவென்டி-20' உலக கோப்பை "சூப்பர்-8' சுற்றில்
இன்று, இந்தியா, ஆஸ்திரேலிய அணிகள் மோதுகின்றன. இதில், ஐந்து பவுலர்களுடன்
களமிறங்க திட்டமிட்டுள்ள இந்தியா, அசத்தல் வெற்றி பெறும் என
எதிர்பார்க்கப்படுகிறது.
நான்காவது "டுவென்டி-20' உலக கோப்பை
தொடரில், "சூப்பர்-8' சுற்று போட்டிகள் தற்போது நடக்கின்றன. இதில் பிரிவு 2
ல் இடம் பெற்றுள்ள இந்திய அணி, தனது முதல் போட்டியில் ஆஸ்திரேலியாவை
சந்திக்கிறது.
லீக் போட்டியில் ஆப்கானிஸ்தானிடம் தடுமாறி வென்ற
இந்திய அணி, இங்கிலாந்தை 90 ரன்கள் வித்தியாசத்தில் நசுக்கியது. இதனால்,
மீண்டும் 5 பவுலர்கள், 7 பேட்ஸ்மேன்கள் "பார்முலாவுடன்' களமிறங்க
திட்டமிட்டுள்ளது.
யுவராஜ் சந்தேகம்:
சேவக்
இடம் பெறும் பட்சத்தில் யுவராஜ் சிங் இடம் கேள்விக்குறி தான். மற்றபடி
காம்பிர், ரோகித் சர்மா ரன்கள் சேர்க்க துவங்கியிருப்பது அணிக்கு நல்ல
விஷயம். விராத் கோஹ்லி களத்தில் எவ்வளவு நேரம் நீடிக்கிறார் என்பதைப்
பொறுத்து ரன்குவிப்பு அமையும். பின் வரிசையில் தோனி, ரெய்னாவும் கைகொடுக்க
வேண்டும்.
பாலாஜி "பெஸ்ட்':
அதேநேரம், இந்திய
அணியில் தலா 3 "சுழல்' மற்றும் வேகப்பந்து வீச்சாளர்களை சேர்க்கும்
திட்டமும் இருப்பதாக தெரிகிறது. இதனால், ஜாகிர் கான் அணிக்கு திரும்பலாம்.
கடைசி கட்டத்தில் ஜாகிர் கானைக் காட்டிலும் பாலாஜி சிறப்பாக பந்து
வீசக்கூடியர் என்பதை நினைவில் கொள்ள வேண்டும்.
தவிர, ஆஸ்திரேலிய
அணியின் துவக்க வீரர் வார்னர், மைக்கேல் ஹசி இருவரும், இடது கை வேகப்பந்து
வீச்சாளர்களை அடித்து விளையாடுவதில் வல்லவர்கள் என்பதால், ஜாகிர் கான்
இடம் சந்தேகமே.
பிரேமதாசா ஆடுகளம் சுழலுக்கு சாதகமாக இருக்கும் என்பதால், ஹர்பஜன் அஷ்வினுடன், "ஆல்- ரவுண்டர்' இர்பான் பதானும் இடம் பெறலாம்.
வாட்சன் மிரட்டல்:
லீக்
போட்டிகள் இரண்டிலும் ஆட்டநாயகன் விருது வென்ற வாட்சன், ஆஸ்திரேலிய
அணியின் துருப்பு சீட்டாக இருப்பது உறுதி. தேவையான நேரத்தில் பவுலிங்
செய்து, "பார்ட்னர்ஷிப்பை' உடைப்பதில் கில்லாடி. இவரை இந்திய வீரர்கள்
கவனமாக சமாளிக்க வேண்டும்.
"மிடில் ஆர்டரில்' கிறிஸ்டியன்,
கேப்டன் பெய்லி, மாத்யூ வேட், காமிரான் ஒயிட் கைகொடுக்கலாம். பவுலிங்கில்
மிட்சல் ஸ்டார்க் மற்றும் கம்மின்ஸ் ஆகியோர் "ஷார்ட் பிட்ச்' பந்து வீசி
தொல்லை தர காத்திருக்கின்றனர். "சுழலில்' அனுபவ பிராட் ஹாக் இருப்பது பலம்.
போராட்டம் எப்படி:
மொத்தத்தில்,
இந்திய அணியின் சுழற்பந்து வீச்சுக்கும், ஆஸ்திரேலிய அணியின் வேகப்பந்து
வீச்சுக்கும் இடையிலான போராட்டமாகத் தான் இன்றைய போட்டி இருக்கும்.
சமபலத்தில்...
இந்தியா, ஆஸ்திரேலியா அணிகள் இதுவரை 6 "டுவென்டி-20' போட்டிகளில் விளையாடியுள்ளன. இதில் இரு அணிகளும் தலா 3 வெற்றி பெற்றன.
* உலக கோப்பை தொடரில் இரு அணிகள் மோதிய 2 போட்டியில், தலா ஒரு வெற்றி பெற்றுள்ளன.
*
இந்திய அணி பங்கேற்ற 38 சர்வதேச "டுவென்டி-20' போட்டியில் 20ல் வெற்றி
பெற்றது. 16 தோல்வி, ஒரு போட்டி "டை' மற்றும் ஒரு போட்டி மழையால் ரத்தானது.
* ஆஸ்திரேலியா பங்கேற்ற 54 போட்டியில் 28 வெற்றி, 23 தோல்வி அடைந்தது. 2 போட்டி "டை' ஆனது. ஒரு போட்டி ரத்தானது.
மழை வருமா
போட்டி
நடக்கும் கொழும்புவில் இன்று வானம் மேகமூட்டமாக காணப்படும். வெப்பநிலை
அதிகபட்சம் 30, குறைந்தபட்சம் 25 டிகிரி செல்சியஸ் இருக்கும். இடியுடன்
கூடிய மழை வர 70 சதவீத வாய்ப்புள்ளது.
இன்னும் முடிவாகவில்லை
இந்திய
அணி கேப்டன் தோனி கூறுகையில்,"" இன்று எப்படியும் ஐந்து பவுலர்களுடன் களம்
காண அதிக வாய்ப்புள்ளது. ஆனால், யார் யாரை தேர்வு செய்வது என, இன்னும்
முடிவாகவில்லை. ஆடுகளம் எப்படி உள்ளது என பார்த்த பின்தான் இதுகுறித்து
முடிவு செய்வோம். இது அணியின் நலனுக்கு உதவுவதாக அமையும்,'' என்றார்.
ஹர்பஜன் குறித்து கவலையில்லை
ஆஸ்திரேலிய
அணி கேப்டன் ஜார்ஜ் பெய்லி கூறுகையில்,"" ஹர்பஜன் குறித்து அதிகமாக
கவலைப்படப் போவதில்லை. இவர் ஒருவர் மட்டுமன்றி, அனைத்து இந்திய
பவுலர்களிடமும் கவனமாக செயல்படுவோம். சுழற்பந்து வீச்சு முக்கியமானதாக
இருந்தாலும், எங்களிடம் சிறப்பான வேகப்பந்து வீச்சாளர்கள் <உள்ளனர்,''
என்றார்.

இணையம்

இந்திய வெற்றி பெறுவது கடினம்.

எதை வச்சு சொல்ற நண்பா

எல்லாம் ஒரு கெஸ்ஸிங் தான்.

என்னதான் கெஸ்ஸிங்கா இருந்தாலும் அதுக்கு காரணம் சொல்லனும் தம்பி

ஜெயம் wrote:இந்திய வெற்றி பெறுவது கடினம்.

நம்மகிட்டயும் நல்ல திறமையான வீரர்கள் தான் இருக்கிறார்கள் ஜெயம்

இல்லையென்று சொல்லவில்லை அண்ணா. ஆனால் இந்தியாவின் ரன்னை பார்த்தீர்களா வெறும் 140 தான்.

ஜெயம் wrote:இல்லையென்று சொல்லவில்லை அண்ணா. ஆனால் இந்தியாவின் ரன்னை பார்த்தீர்களா வெறும் 140 தான்.

t20 இல் எதுவேணும்னாலும் நடக்கலாம்

அதுதான் உண்மை.