ஞான வானம் ஆனவன்...

by rammalar Fri Feb 28, 2014 3:22 pm

-
சிந்தையெல்லாம் செந்தில் குமரனடி - நீலத்
திரைகடல் அலைபாடும் தலைவனடி
வந்தனை செய்தவனைப் பாடுங்கடி - அவன்
வடிவழகை இமையால் பாருங்கடி ...
-
சுட்ட பழம் அவ்வைக்குத் தந்தான் - அசுர
சூரபத்மனை வென்ற வீரமுருகன்
கிட்டவில்லை கனியென்று கோபமுற்றவன் - வள்ளி
தேவானை மேல் மயிலாய் காட்சி தருபவள்...
-
பிரணவத்தின் பொருளுரைத்த ஞானவானவன் - இந்தப்
பிரபஞ்சத்தை ஆட்டி வைக்கும் நாதமானவன்
அசுரமர்த்தனம் செய்து அபயம் தந்தவன் - அந்தத்
தேவருக்கும் மூவருக்கும் மகிழ்வளித்தவன்...
-
-------------------------------------
>கவிஞர் மணிமொழி
(நெஞ்சவனத்துப் பூக்கள்)