சரவண பவனே சண்முகனே..!

by rammalar Fri Feb 28, 2014 3:38 pm

முருகா எனக்கொரு வரம் வேண்டும் - நீ
விரைவாய் எனக்கதைத் தர வேண்டும்
மனிதரை நம்பி மண்ணில் விழுந்தேன்
இறைவனை நம்பி உன்னில் கலந்தேன்
-
சரவணபவனே சண் முகனே
சரவணபவனே சண் முகனே...
-
பொய்யும் புரட்டும்வஞ்சம் சூதும்
பொல்லா மானிடர் உடன்பிறப்பு
மெய்யாய் அன்பை அருளைப் பொழியும்
மேன்மை இறைவன் தனிச்சிறப்பு!
-
வேதம் நான்கின் கருப்பொருளே
வித்தைகள் யாவையும் தரும் அறிவே
நாதன் தாள்கள் தரும் நிழலே
நாடும் உயிர்களின் அருள் வடிவே...
-
திருப்புகழ் அலைகள் இசை முழக்கும்
திருப்பெயர் மலைகளில் எதிரொலிக்கும்
திருப்பங்கள் உன்னால் நிழ்ந்திருக்கும் - பெரும்
விருப்பங்கள் எல்லாம் முடிந்திருக்கும்
-
----------------------------------------------
>கவிஞர் மணிமொழி
(நெசஞவனத்துப் பூக்கள்)