சுபபாலாவின் வெளிநாட்டு வாழ்க்கை

by சுபபாலா Wed Mar 26, 2014 11:33 pm

First topic message reminder :

/வெளிநாடு /ஐரோப்பிய தேசத்தில் சராசரி
குடிமகன்
ஒரு நேர உணவுக்கு செலவிடும் பணத்தின் பெறுமதியே
புலம்பெயர்ந்து வந்தவனின்
ஒரு நாள் சம்பளம்
அதை வைத்து கொண்டும் வசதியாய் இருக்கிறேன் என
போலியாய் நடித்து கொண்டு
இன்னொரு உறவுக்கு உதவுகிறான் என்றால்
அவனை விட இன்னொரு மகான்
அவதரிக்க போவதில்லை ........!!!!

by சுபபாலா Sun Apr 06, 2014 10:28 am

முரளிராஜா wrote:தங்கள் கவிதை அருமை

நன்றி நன்றி சூப்பர்

by சுபபாலா Sun Apr 06, 2014 10:29 am

எங்கிருந்தோ வந்து
இனம் மொழி வாழ்வை தொலைத்தும்
புது வாழ்வின் வசந்தத்தில்
பூக்கின்ற பூக்கள்
எப்படி அறியும்
வேர்களின் கண்ணீரை .........!
இருந்தும் இன்னொரு விதி செய்வோம்
என்ற உலக நோக்கோடு
புதிய பூக்கள்
புன்னகைக்கிறது
எல்லா நாடுகளாலும் புலம்பெயர்ந்து வந்து .........!!!!

/ சுபபாலா /
பிரான்ஸ்

by சுபபாலா Sun Apr 06, 2014 10:36 am

நண்பன் அருகில்லா வாழ்வும்
காதலியில்லா தனிமையும்
உறவுகள் இல்லா வெறுமையும் போதும்
இறந்தபின் அனுபவிக்கும் நரகத்தை
நேரில் வாழும் போதே அனுபவித்து விடலாம் .....!!!
/வெளிநாடு /

/ சுபபாலா /
பிரான்ஸ்

by சுபபாலா Sun Apr 06, 2014 10:38 am

sreemuky wrote:மனதை நெருடும் கவிதைகள். புலம் பெயர்தவர்களின் தவிப்பை உணர்த்தும் கவிதைகள்.

கலங்காதே மனமே.... காலம் ஒருநாள் மாறும். நம் கவலைகள் யாவும் தீரும்.

நன்றி நன்றி சூப்பர்

by ஸ்ரீராம் Sun Apr 06, 2014 12:24 pm

சுபபாலா wrote:நண்பன் அருகில்லா வாழ்வும்
காதலியில்லா தனிமையும்
உறவுகள் இல்லா வெறுமையும் போதும்
இறந்தபின் அனுபவிக்கும் நரகத்தை
நேரில் வாழும் போதே அனுபவித்து விடலாம் .....!!!
/வெளிநாடு /

/ சுபபாலா /
பிரான்ஸ்

அருமை அருமை
பகிர்வுக்கு நன்றி

by சுபபாலா Tue Apr 08, 2014 12:37 am

நன்றி ராம் சூப்பர்

by சுபபாலா Tue Apr 08, 2014 12:39 am

///.....வெளிநாடு .......////////////.விழுந்து கிடந்து கண்டு எடுத்த
தொலைபேசியில் வந்து கொண்டே
இருந்தது குறும்செய்தி .......!
அம்மா இன்னும் வரவே இல்லை
அப்பா உடனே வாருங்கள்
பயமாய் இருக்கிறது .......!!!

by சுபபாலா Wed Apr 09, 2014 4:41 pm

!!!!.......வெளிநாடு ......!!!
வெளிநாடு வந்து வேலை தேடி
வாழ்க்கையை அமைத்தவனுக்கே
வாழ்க்கை வெறுக்குது
இன்னும் வேலையும் கிடைக்காது
விசாவும் கிடைக்காது அலையும்
சகோதரர்களை நினைத்தால்
உயிரே வெறுக்குது
ஒரு நொடியில் ஓடி விடும் உயிர் தான்
ஆனால்
அதை தவிர்த்து வாழ ஆசைபடும்
புலம்பெயர் வலி
கொடிதிலும் கொடிது
எந்த இனத்துக்கும் வரகூடாது
நாடு இழந்து வாழும் பழி ......!!!!

by சுபபாலா Wed Apr 09, 2014 4:42 pm

வெளி நாடு ........!!!
கோர பசியோடு காடுகளில்
அலைந்து திரியும் விலங்குகள் போல்
வெளிநாடு வந்து
அலைந்து திரிகிறான்
அன்பினாலான ஒரு ஆறுதல் மடி தேடி ......!!!
காரணம்
உயரம் தொட வந்து
துயரம் தொட்டவர்களே
வெளிநாடு வந்தவர்களில் பாதி பேர் .......!!

by சுபபாலா Wed Apr 09, 2014 4:43 pm

வெளிநாடு ......!!!
வெளிநாடு வந்து இறங்கிய
சில மாதங்களில்
எடுத்த போட்டோ ஞாபகபடுத்துகிறது
அவனின் ஆயிரம் கனவுகளின்
ஆனந்த தேடலை .......!!!
அந்த புகைப்படத்தின்
முதலும் கடைசியுமான
புன்னகையில் .......!!!!
/சுபபாலா /

by mohaideen Wed Apr 09, 2014 9:46 pm

இதை படிக்க படிக்க மனதை ஏதோ செய்கிறது.

அனைத்தும் அருமை

உண்மைதான்
உயரம் தொட வந்து
துயரங்களை தொட்டுருக்கிறோம்.

by ஸ்ரீராம் Thu Apr 10, 2014 9:58 am

அனைத்தும் அருமை சூப்பர்

கவிதைகள் பகிர்வுக்கு நன்றி

by சுபபாலா Sun Apr 13, 2014 11:03 pm

!!!...... வெளிநாடு ........!!!
அம்மா அப்பா பிள்ளைகள்
ஆத்தா அயல் வீட்டு கந்தசாமி
யாவரையும் நலம் கேட்டு விட்டு
எல்லாவற்றையும் சுமந்து
உயிர்கொடுத்த மனைவியை சுகம்
கேட்கும்போது மட்டும்
தொலைபேசி காசின்றி துண்டிக்கபடுகிறது
அவள்
என்னை நினைத்து உறக்கமின்றி விழிக்க
நானோ
அந்த எண்ணை மட்டும் மனதில்
சுழற்றுகிறேன்
என் விதியை என்னவென்று அழைக்க ......!!!

by சுபபாலா Sun Apr 13, 2014 11:04 pm

வெளிநாடு ......!!!
எல்லா நோய்க்கும் மருந்தாகிறது
அம்மா
நேர்த்தி வைச்சு அனுப்பிய
"கோயில் திரு நீறு "

by சுபபாலா Sun Apr 13, 2014 11:05 pm

!!!!!....... வெளிநாடு ...........!!!!
மாடாய் வேலை செய்து
வருடத்தில் ஒரு மாதம்
விடுமுறை கிடைக்கும் சம்பளத்தோடு .......!!!
அந்த மாதத்திற்கும் வேலைக்கு போனால் தான்
வட்டிகளுக்கு வணக்கம் சொல்லலாம்
பிள்ளைகள் கேட்கும் கேள்விக்கு
எதை காரணம்
சொல்ல முடியும் .....!
சொல்லவும் முடியாது வாழ்வை வெல்லவும் முடியாது நாளும் தேய்கிறது புலத்திலே
ஈழம் தொலைத்த பொழுது .....!!!!
(புலத்தின் வலி )

by சுபபாலா Tue Apr 15, 2014 10:06 pm

வெளிநாடு (அரபு )
பால் தந்த பசுமாட்டை
விற்று வந்து
பாலைவனத்தின் ஒட்டகமானேன் ....!!!!
சுபபாலா :பிரான்ஸ்

by சுபபாலா Mon Apr 21, 2014 3:26 pm

முரளிராஜா wrote:தங்கள் கவிதை அருமை

நன்றி முரளி சூப்பர்

by சுபபாலா Mon Apr 21, 2014 3:27 pm

வெளிநாடு.......!!!! விடுமுறை நாட்களில்
வாழ்ந்த வீட்டுக்கு போய் விடுகிறது மனது ......!
வெறுமையில் துயில்கிறது
அந்த நாட்களின் இரவு பொழுது .....!!!!

சுபபாலா :பிரான்ஸ்

by சுபபாலா Mon Apr 21, 2014 3:29 pm

!!!......வெளிநாடு .......!!!
இளமையில் முதுமை
முதுமையில் தனிமை
தனிமையில்
தரிசிக்க வேண்டிய வாழ்க்கை
நாளும்
பிறந்து உயிர்க்கும் கொடுமை
வெளிநாடு வந்தவர்க்கு
இது வழமை
சொல்வதில்லை உறவுகட்கு
காரணம்
அது தான் அனுபவத்தின் புலமை .......!!!!
சுபபாலா / பிரான்ஸ்

by முழுமுதலோன் Mon Apr 21, 2014 4:00 pm

அனுபவத்தின் புலமை சூப்பர்

by சுபபாலா Wed Apr 23, 2014 12:25 pm

முரளிராஜா wrote: Re: சுபபாலாவின் வெளிநாட்டு வாழ்க்கை
by முரளிராஜா on Fri Mar 28, 2014 6:38 am

தங்கள் கவிதை அருமை

நன்றி முரளி சூப்பர்

by சுபபாலா Wed Apr 23, 2014 12:25 pm

!!!! ......வெளிநாடு .................!!!!!!வெறுமைபட்டு வெறுமைபட்டு
தனிமையினால் ஒதுக்கபட்டு
உறவுகளால் கலங்கபட்டு
சிறகுகளும் முறிக்கபட்டு
வாழ்க்கை இன்பத்திற்காய் வாழாமல்
ஏதோ வாழத்தானே வேண்டும் என்பதற்காய் வாழ்வதாலோ
யாருடனும் கோபம் இல்லாமலே
ஒதுங்கியே விடுகிறது மனது
ஆனால்
யார் யாரெல்லாம்
அந்த உண்மையை உணராமல்
"பதவி "தகுதி "என்று
பட்டம் சூட்டுகிறார்களோ ......!!!!

by சுபபாலா Wed Apr 23, 2014 12:26 pm

!......வெளிநாடு ......!
தொடர் மாடியில் குடியிருந்து
என்ன பயன்
மனித நேயங்களை
தொலைபேசியில் தான் அரவணைக்க முடிகிறது
ஒருவரிலும் பிழைகான முடியா
வாழ்க்கையாய் போச்சு
அன்பு பாசம் எல்லாம்
வெறும் பேச்சாக ஆச்சு .....!!!

by சுபபாலா Wed Apr 23, 2014 12:27 pm

வெளிநாடு ............!!!
ஒரு குடும்பத்தில் இருந்து
முதல் வந்தவன்
பரதேசியாவான்
அதே குடும்பத்தில் இருந்து
வரும்
இரண்டாமவன்
பணக்காரன் ஆவான் ..........!!!!
(எழுதபடாத விதி )

by சுபபாலா Sun Apr 27, 2014 7:03 pm

......வெளிநாடு ......!!!
எங்காவது ஒற்றை நிமிடம்
ஓய்வாய் கிடைத்தாலும்
ஓடி வந்து அமர்ந்து விடுகிறது
ஊர் நினைவுகள் .........!!!!

by Sponsored content