குற்றங்களே நடக்காத கிராமம்

by நாஞ்சில் குமார் Sun Apr 06, 2014 11:06 pm

குற்றங்களே நடக்காத கிராமம்

நூற்றாண்டு காலத்துக்கு மேலாக எந்தவிதமான குற்றமும் நடைபெறாத அபூர்வ கிராமம் ஒன்று இந்தியாவில் இருக்கிறது என்றால் நம்ப முடிகிறதா? சத்தீஸ்கர் மாநிலத்தில் உள்ள பூல்ஜர் என்ற கிராமம் தான் குற்ற வழக்குகள் எதுவும் பதிவாகாத கிராமமாக காவல் துறை தரப்பில் உறுதி செய்யப்பட்டுள்ளது.

அந்த கிராமத்தில் அமைந்துள்ள காவல் நிலையத்துக்கு கடந்த 107 ஆண்டுகளாக அங்கு வசிப்பவர்களிடம் இருந்து ஒரு புகார் கூட வந்தது இல்லை என்று காவல் துறை அதிகாரிகள் தெரிவிக்கிறார்கள். இந்த கிராம மக்கள் தங்களுக்குள் ஏற்படும் சிறு சிறு பிரச்சினைகளை கிராம அவையின் முன் கொண்டு செல்வதாகவும், அங்கு சமரசமான முடிவு எட்டப்படுவதால், எந்த தரப்பினரும் கிராம அவையின் முடிவை எதிர்த்து, காவல் நிலையத்துக்குச் சென்று புகார் அளித்தது இல்லை என்றும் கூறப்படுகிறது.

அத்துடன் அங்கு வாழும் அனைத்து தரப்பு மக்களும், தங்களுக்குள் பாகுபாடு இன்றி வாழ்வதால், ஜாதி, மதக் கலவரங்கள் ஏற்பட்டது இல்லை என்றும் கூறப்படுகிறது. பெண்கள் எவ்விதப் பயமும் இன்றி சுதந்திரமாக வெளியில் நடமாடுகிறார்கள். திருட்டு பயம் இன்றியும் இக்கிராமத்தினர் வசித்து வருகிறார்கள். அந்த அளவுக்கு திருடர்களது நடமாட்டம் இல்லாதவாறு பார்த்துக் கொள்கிறார்கள். தாங்களும் குற்றப்பின்னணி தொடர்புடைய எந்த செயல்களிலும் ஈடுபடாதவாறு வாழ்ந்து வருகிறார்கள்.

இதுகுறித்து கோர்பா மாவட்ட காவல்துறை அதிகாரி கூறுகையில், “பூல்ஜர் கிராம மக்கள் இதுவரை எவ்வித அசம்பாவித சம்பவங்களிலும் ஈடுபட்டது கிடையாது. கோர்பா காவல் நிலையத்துக்கு உட்பட்ட அனைத்து கிராமங்களிலும் குற்றச் செயல்கள் நடைபெறுகின்றன. ஆனால் பூல்ஜர் கிராம மக்கள் அவற்றில் இருந்து விதிவிலக்காக உள்ளனர். இவர்களின் செயல்பாடுகளுக்காக, சத்திஸ்கார் மாநில அரசு இக்கிராமத்தை சிறந்த கிராமமாக அறிவித்து விருது வழங்கியுள்ளது” என்றார்.

***
நன்றி : தினத்தந்தி
***

by ஸ்ரீராம் Mon Apr 07, 2014 12:13 pm

பயனுள்ள தகவலுக்கு நன்றி சூப்பர்

by ரானுஜா Mon Apr 07, 2014 6:16 pm

அருமையான கிராமம் கைதட்டல்

by mohaideen Mon Apr 07, 2014 7:18 pm

அதிசய கிராமம்தான். கைதட்டல்

by செந்தில் Mon Apr 07, 2014 8:34 pm

கேட்கவே மகிழ்ச்சியா இருக்கு.
பகிர்வுக்கு நன்றி.

by ஜேக் Tue Apr 08, 2014 6:37 am

அந்த கிராமத்தில் அமைந்துள்ள காவல் நிலையத்துக்கு கடந்த 107 ஆண்டுகளாக அங்கு வசிப்பவர்களிடம் இருந்து ஒரு புகார் கூட வந்தது இல்லை என்று காவல் துறை அதிகாரிகள் தெரிவிக்கிறார்கள்.

நல்ல விஷயம்தான்.

அதேசமயத்தில் தனிமனித அநீதி இழைக்கபடுகிறதா? அது வெளிவராமல் அமுக்கி, அழித்து, அடக்கப்படுகிறதா? என்பதையும் அரசும், காவல்துறையும் நன்கு கவனித்து வரவேண்டியது மிக அவசியம்.