இடி மின்னல் பயமாக இருக்கு

நான் எதற்கும் பொதுவாகப் பயப்படுவதில்லை!

ஆனால் இடி மின்னல் என்றால் பயமாக இருப்பதாக உணர்கிறேன்... (எதாவது நோயாக இருக்குமா?)

இடி மின்னல் பற்றிய தகவல்கள் தேவைப்படுகிறது...

இடி எங்கே விழும்? அதிலிருந்து பாதுகாத்துக்கொள்வது எப்படி?

மிகவும் விரிவான தகவலைத் தரவும்...

முழுமுதலோன் மற்றும் நம்ம செந்தில் மற்றும் முரளிராஜா ராம் அவர்களும் பயம் போக்க உதவவும்...

பயமா எங்களுக்கா?
(முழுமுதலோன் மற்றும் நம்ம செந்தில் மற்றும் முரளிராஜா ராம் )

ஹா! ஹா! ஹா!

நாங்க மனசாட்சிக்கு மட்டுமே பயப்படுவோம்!

    

ஒ அவங்களுக்கு இப்படி ஒரு பெயரா செந்தில்      

உங்களையும் சேர்த்துதான் சொன்னேன்!

    

இதுக்கு பேருதான் வாய கொடுத்து தானே மாட்டிக்குறதோ?
   

உங்க மேல இடி விழ... (ஆமா மழையே இல்ல... இவரு... சொன்ன உடனே விழுந்திடப்போவுது)

கேட்ட கேள்விக்குப் பதில் சொல்லுங்கள்

நம் கிரகத்தில், நாள் தோறும் பளீரிடும் நான்கு கோடி மின்னல்கள் இடி மேகங்களிலிருந்து உருவாகின்றன. நம் தலைக்கு மேல் சில மைல் தொலைவில் இவை ஏற்பட்டாலும், பற்பல ஆண்டுகளாக ஆராய்ச்சி செய்து வந்தாலும், மேகத்துள் இவை உருவாகும் காரணத்தை நம்மால் புரிந்துக் கொள்ள இயலவில்லை. பொதுவாக ஸ்பார்க் பிளக்கில் (தீப்பொறி தோற்றியில்) ஏற்படுவது போன்ற ஒரு நெருப்பு பொறி ஏற்பட, மின்சக்தி, வரையறுக்கப்பட்ட மின்னழுத்த எல்லையை மீற வேண்டும். அதாவது காற்று தன் மின்தடை தன்மையை இழந்து மின்சக்தியை கடத்த ஏற்றதாக மாறும் தருணம்.

கடல் மட்டத்தில், காற்றிற்கு, இது ஒரு அங்குலத்திற்கு 70,000 வால்டுகள் ஆகும். ஒரு கார் இதை, அதன் தீப்பொறி தோற்றியில் (ஸ்பார்க் பிளக்கில்) உள்ள குறுகிய இடைவெளியிடையே 20,000 வால்டுகள் செலுத்தி சாதிக்கிறது. இடிபுயலாலும் மிகப்பெரிய அளவில் மின்சக்தியை வெளியிட முடியும். இது மேல் நோக்கி வீசும் காற்றால் கடத்தப்படும் போது பனிக்கட்டியும், நீர் துளிகளும், புவியீர்ப்பால் கீழ்நோக்கி விழும் மென்பனியுடன் மோதும் போது ஏற்படுகிறது.

No one is sure how lightning gets started, but one theory is that incoming cosmic rays from outer space serve as the trigger. Here, stars shine above a thunderstorm in the Alps.

எப்படி மின்னல் துவங்குகிறது என யாராலும் உறுதியாக கூற முடியவில்லை. ஒரு கருத்து என்னவென்றால் விண்வெளியிலிருந்து வரும் காஸ்மிக் கதிர்கள் இதை தூண்டிவிடுகிறது என்பதாகும். இங்கே ஆல்ப்ஸ் மலைமீது ஏற்பட்டுள்ள ஒரு இடி புயல் மேல் நட்சத்திரங்கள் ஒளிர்கின்றன. புகைப்படம் © டி. கிரெட்னர் & எஸ். கோலே, ஆல்தீஸ்கை.காம் விரிவாக்க (Photo credit: © T. Credner & S. Kohle, AlltheSky.com)

சக்தி பகுப்பால் ஏற்படும் மின் விளைவு அதிகம், சிலநேரங்களில் 100,000,000 வால்டுகளையும் தாண்டும். ஆனால் ஸ்பார்க் பிளக்கை போல் அல்லாது, இடிபுயலின் போது ஒரு மைலுக்கும் அதிகமாக விரிந்து பரவி, ஒரு தீப் பொறியை உருவாக்க கூட ஆற்றலற்ற மின்புலமாகிறது. உண்மையில், பற்பல வருடங்களாக, பலூன், வானூர்திகள் மற்றும் ஏவுகணைகள் ஆகியவற்றால் பெறப்பட்ட அளவைகள், ஸ்பார்க் பிளக்கில் தீப்பொறி ஏற்பட தேவையான குறைந்தபட்ச 1/10 பங்கு அளவிலான மின்புலத்தைக்கூட கண்டதில்லை.

உறுதியாக இடி மேகங்களுக்குள் தான் மின்னல் ஏற்படுகிறது என்றாலும், நாம் அது எப்படி தொடங்குகிறது என்பதை தெளிவாக கவனிக்கத் தவறுகிறோம். உராயும் மழைத் துளிகளால், மிக குறுகிய ஒரு இடத்தில் மின்னூட்டம் குவிதல, விண்வெளியிலிருந்து காஸ்மிக் கதிர்களால் உருவாகும் அதிக மின்சக்தி கொண்ட மின்னணுக்கள் (எலக்ட்ரான்கள்,) செறிவூட்டப்பட்ட பனிப்புயல்கள், என பல கருத்துக்கள் முன் வைக்கப்படுகின்றன. இருப்பினும், இன்று வரை, யாருக்கும் அதற்கான சரியான விடை தெரியவில்லை.

முன்னோடியைத் தொடர்ந்து
மின்னல் உருவானவுடன், முன்னோடி எனப்படும் ஒரு வெப்பமான தடம் உருவாகும் என்பதை நாம் அறிவோம். நான் ஏற்கனவே கூறியது போல் பொதுவாக காற்று ஒரு சிறந்த மின்கடத்தி அல்ல (அரிதில் கட்த்தி), ஆக மின்னல் ஓரிடத்திலிலிருந்து மற்றொரு இடத்திற்கு, உதாரணமாக பூமிக்கு பரவ தன் பாதையில் உள்ள காற்று மண்டலத்தை, ஒரு ஸ்பார்க் பிளக்கை போல், மின்னாற்றலை கடத்தும் திறத்திற்கு மாற்ற அதன் அரண் எல்லையை உடைக்க வேண்டும். இது முன்னோடியின் முன் மின்னிறக்கம் செய்து, அதனை முன்னேற உந்துகிறது. அது முன்னேற, அதற்கு தொடர்ந்து மின்னூட்டம் அளிக்கப்பட வேண்டும். இந்த முன்னோடி தடத்தில் தடையின்றி மின்சக்தி செல்ல, மின்னாற்றலே வழி செய்கிறது. முன்னோடி தடத்தின் மிகை வெப்பம், காற்று பல மைல் தொலைவுக்கு மின்கடத்த வகை செய்கிறது. மிக பிரம்மாண்டமான மின்னோட்டம் 50,000°F அளவிற்கு காற்றை வேகமாக சூடாக்குகிறது – இது சூரியனின் மேற்பரப்பைவிட நான்கு மடங்கு அதிகம்.

முதலில் பயணிக்கும் முன்னோடியின் பயணம் எளிதாக அல்லாது, படிகள் எனப்படும் சிறு தொடர் துள்ளல்களாக இருக்கும். அதனால்தான் முதலில் பயணிப்பதை ’படிமுன்னோடி’ என அழைக்கிறோம். பொதுவாக முதல் தாவலில் முன்னோடி ஒரு புதிய திசையில் 150 அடி வரை குதிக்கலாம். இப்படியாக இவை நின்று மீண்டும் பயணிக்க 7/1000 விநாடிகள் ஆகும். மேலும் ஒரு சில நேரங்களில் இவை இரு கிளைகளாக பிரிந்து செல்வதும் உண்டு. ஆக முன்னோடியின் இந்த பயணமே மின்னலின், ஒழுங்கற்ற கூறுடைய, முள் கரண்டி போன்ற வடிவங்களுக்கு காரணமாகிறது. பலமுறை இதைக் கண்டிருந்தாலும் மின்னல் முன்னோடிகளின் செயல்பாடு ஏன் இப்படி இருக்கிறது என யாராலும் புரிந்துக் கொள்ள முடியவில்லை.
[You must be registered and logged in to see this image.]

பூமியைத் தொடும் மின்னல்களைவிட மேகங்களின் ஊடே ஏற்படும் மின்னல்களே அதிகம். இந்த புகைப்படித்தில் உள்ள மின்புயல் ஆஸ்திரியாவில் உள்ள எம்பர்கர் ஆல்மில் (Emberger Alm, Austria,) என்னும் இடத்தின் அருகே ஆகஸ்ட் 2003ம் ஆண்டு எடுக்கப்பட்டது. விரிவாக்க புகைப்படம் © டி. கிரெட்னர் & எஸ். கோலே, ஆல்தீஸ்கை.காம் (Photo credit: © T. Credner & S. Kohle, AlltheSky.com)

நிலத் தாக்கம்

முன்னோடியின் ஊடே பாயும் மின்னூட்டம் பரவும் போது அதனை மிகப் பிரகாசமாக்கச் செய்யுமளவிற்கு திறம் பெற்றவை. நாம் காணும் பெரும்பாலான மின்னல்கள் பூமியை தொடுவதில்லை. மாறாக அவை அதே மேகத்தினூடே பல புள்ளிகளையோ, சுற்றுபுற காற்றையோ, அரிதாக பிற மேகங்களையோ, இணைத்து, தடத்தின் வழி செல்லும் மின்னூட்டமாகும். படி முன்னோடி பூமியுடன் தொடர்பு கொண்டால், மேகத்திற்கும் பூமிக்கும் இடையே, பூமியில் ஆரம்பித்து, மேகத்தை நோக்கி அதிக அளவு மின்சக்தி பிரவேசிக்கும். இது ஓரளவுக்கு இடிபுயல் ஏற்படுத்திய மின்சக்தியை நியூட்ரலைஸ் செய்யும். இதற்கு மீள் தாக்கம் என்றுப் பெயர். இதனால் அதிகமாக ஏற்படும் மின்னூட்டம், பல ஆயிரம் ஆம்பியர்களாய் இருக்கும்.

மிக பிரம்மாண்டமான மின்னோட்டம் 50,000°F அளவிற்கு காற்றை வேகமாக சூடாக்குகிறது – இது சூரியனின் மேற்பரப்பைவிட நான்கு மடங்கு அதிகம். மேகத்துக்கும் பூமிக்கும் இடையே ஆன இத்தகைய மீள் தாக்கத்தால் ஏற்படும் வெப்ப தடத்தையே நாம் காண்கிறோம், அவை வேகமாக விரிந்து சுருங்குவதையே இடியாக கேட்கிறோம். முதல் மீள் தாக்கத்திற்குப் பின், வழக்கமாக இடிபுயல் மற்றொரு முன்னோடியை அனுப்பும், இதை எறி முன்னோடி என்பர், இது வெப்பத் தடத்தை வேகமாக மின்னூட்டி மற்றொரு மீள் தாக்கம் ஏற்பட வகை செய்கிறது. முன்னோடிகள் வேகமாக உடனுக்குடன் பிரயாணிப்பதும், பிரகாசமான மீள் தாக்கமும் மின்னல் மின்னுவதற்கு காரணமாகிறது.

ஜோ ட்வையர் (By Joe Dwyer)
பதிவு தேதி 10.01.05
நோவா சயன்ஸ் நவ் (NOVA Science NOW)
ஜோ ட்வையர், பிளோரிடா இன்ஸ்டிட்டுயூட் ஆப் டெக்னாலஜியில், இயற்பியல் மற்றும் விண்வெளி அறிவியலின் இணை விரிவுரையாளராக பணிபுரிகிறார்.

கூகுள் தேடலில் கிடைத்தது

இடி எப்படி உருவாகிறது?


வட கிழக்கு பருவமழை தொடங்கயுள்ள நிலையில்,கண்ணைப் பறிக்கும் மின்னல் கீற்றுகளும்,காதைப்பிளக்கும் இடி சத்தமும் எதனால் உருவாகிறது? இதோ உங்களுக்காக...

வானில் உள்ள மேகங்களில்,மின்னூட்டம் பெற்ற அணுத்துகள்கள் அதிகம் இருக்கும்.இவை நேர்மின் சுமை கொண்டவைகளாகவும்,எதிர் மின் சுமை கொண்டவைகளாக தனித்தனியே இருக்கும்.குளிர்ந்த காற்று வீசி,மேகங்கள் மோதி மழை பெய்யும் பொழுது, நேர் மற்றும் எதிர் மின்சுமை கொண்ட அணுக்கள் ஒன்றோடு ஒன்று மோதுகின்றன.இந்த மோதலால் தான் இடி சத்தம் கேட்கிறது.இதனால் உருவாகும் ஒளிகீற்று காற்றில் ஒளியின் திசை வேகத்தில் பயணிகின்றன.காற்றில் ஒளியின் திசைவேகம் விநாடிக்கு சுமாராக 3 லட்சம் கிலோ மீட்டர் என்பதால் மின்னலின் வெளிச்சத்தை நாம் உடனடியாக பார்க்க முடிகிறது.

ஒலியின் திசைவேகம் விநாடிக்கு அரைகிலோ மீட்டருக்கும் குறைவு என்பதால் இடி சத்தம் நமக்கு காலதாமதமாகவே கேட்கிறது.மின்னலால் அதிக அளவிலான மின்சக்தி வெளிபடுவதால்,சில நேரங்களில் அதிக சேதாரத்தை ஏற்படுத்தும்.எனவே இடிதாங்கி போன்ற சாதனங்களால் மின்சக்தியை பூமிக்குள் செலுத்துவதன் மூலம் மின்னலால் ஏற்படும் ஆபத்தை தவிர்க்கலாம்.

இடி,மின்னலால் உயிரிழப்பு ஏற்படும் ஆபாயம் இருப்பதால்,மின்னலில் இருந்து எவ்வாறு நாம் பாதுகாப்பாக இருப்பது என்பது குறித்து தற்போது பார்க்கலாம்.
எப்படி பாதுகாத்துக் கொள்ள வேண்டும்...

மழை பெய்யும் போது எந்த நேரத்திலும் மின்னல் ஏற்பட வாய்ப்புள்ளது.மின்னலின் போது,கணக்கில் அடங்கா மின்சக்தி வெளியேறி வேகமாக நிலத்தை அடைய முயற்சி செய்யும் எனவே. வெட்ட வெளியில் மனிதர்கள்,கால்நடைகள் நிற்பதை தவிர்க்க வேண்டும் ஏன் எனில்,அதிகளவிலான மின்சக்தி உடல் வழியே வேகமாக நிலத்தை அடைய வாய்ப்பு ஏற்படும்மழை பெய்யும் போது மரத்தின் கீழ் நிற்பதையும்,குடைப்பிடித்து வெளியில் நடப்பதையும் தவிர்கலாம்.

மின்னல் ஏற்படும் போது தொலைபேசி,கைபேசி பயன்படுத்துவதை தவிர்க்கலாம்.தொலைக்காட்சி உள்ளிட்ட தொலை தொடர்பு சாதனங்களை துண்டிப்பு செய்வது நல்லது.

மழை ஏற்படும் போது கட்டிடங்களின் உள்ளே இருப்பது பாதுகாப்பான செயலாகும்.ஆங்காங்கே இடிதாங்கி சாதனத்தை பயன்படுத்துவதன் மூலம்,கட்டுக்கடங்காத மின் சக்தி நிலத்தை அடையச் செய்யலாம்.

நல்லதொரு பகிர்வு அண்ணா

அதே போலவே வெட்டவெளியிலோ, நீர் நிலைகளிலோ, கடற்கரைகளிலோ, விளையாட்டு மைதானங்களிலோ நிற்காதீர்கள். அந்த இடங்களில் உயரமாய் இருப்பது நீங்கள் தான் என்பதால் நேர் மின்சாரத்தை மேகம் உங்கள் உடலிலிருந்து ஈர்க்கக் கூடும்.

- விரிவான செய்திகள் தந்த அனைவருக்கும் என் நன்றிகள்

ஆமா... அந்த இடிதாங்கி எவ்வளோ இருக்கும்?

நல்லதொரு கருத்துப் பரிமாற்றம்.

விரிவாக விளக்கம் அளித்த அக்கா மற்றும் அண்ணன் இருவருக்கும் என் மனமார்ந்த நன்றிகள்