மனிதன் முழுமையடைய 7 விதிகள்!

by நாஞ்சில் குமார் Sat Apr 12, 2014 5:25 pm

குரு மகான் வேதாத்திரி மகரிஷியின் சிந்தனை தொகுப்பிலிருந்து!

ஒரு மனிதன் வாழ்வில் முழுமையடைய வேண்டுமெனில், கீழ்கண்ட ஏழு விதிகளை நங்குணர்ந்து செயலாற்ற வேண்டும். அவை:

 வாழ்வின் நோக்கம், தேவைகள், விருப்பங்கள் இவற்றை மதிப்பீட்டுக் கொள்ள வேண்டும். இவை ஒன்றுக்கொன்று முரண்பாடாத வகையில் அமைத்துக் கொள்ளவும் வேண்டும்.

 தனக்கு அமைந்துள்ள சூழ்நிலைகளையும், வாய்ப்புகளையும் கணித்துக் கொள்ள வேண்டும்.

 இயற்கையின் ஒழுங்கமைப்பையும், அதன் ஆற்றலின் விளைவான தவறற்ற காரண விளைவு விதியையும் உணர்ந்து போற்றியும், மதித்தும் நடக்க வேண்டும்.

 வாழ்வில் அடைய வேண்டிய லட்சியங்களையும், ஆற்ற வேண்டிய செயல்களையும் வரிசையாகத் தொகுத்துக் கொள்ள வேண்டும்.

 இத்தகைய வாழ்வுக்குத் தன்னை தகுதியாக்கிக் கொள்வதற்கு உரிய உடல் வலிமையையும், திறனையும் அறிவையும் வளர்த்துக்கொள்ள வேண்டும். இவற்றிற்கெல்லாம் தேவைப்படக்கூடிய முறையான உடற்பயிற்சி, உளப்பயிற்சி, சிந்தனை இவற்றைப் பழகிக் கொள்ள வேண்டும்.

 விழிப்போடும், விடாமுயற்சியோடும், எண்ணம், சொல், செயல் இவற்றைப் பயன் படுத்த வேண்டும்.

 அவ்வப்போது ஏற்படும் தவறுகளை அகத்தாய்வு (அகத்தை ஆய்வு செய்வது), செயல் திருத்தம் என்ற இரண்டு வழிகளாலும் திருத்தித் தன்னை தூய்மையாக்கிக் கொண்டே இருக்க வேண்டும்.