சிந்தனைத் திறன் வளர

குருமகான் வேதாத்திரி மகரிஷியின் சிந்தனை தொகுப்பிலிருந்து!

சிந்தனைத் திறனை வளர்க்க மூன்று இணைப்பு முறைகளைப் பின் பற்ற வேண்டும்.

1. திட்டமிட்டு செயல் புரிதல் (Planned work)
2. விழிப்பு நிலை (Awareness)
3. தற்சோதனை (Introspection)

இவற்றில், விளைவைக் கணித்து அதற்கு ஏற்ற அளவிலும் முறையிலும் மனம், மொழி, செயல்களைப் பயன்படுத்தலே திட்டமிட்டு செயல் புரிதலாகும்.

தேவை, பழக்கம், சூழ்நிலை இவற்றால் உணர்ச்சிவயப்படாது தன்னையும் தான் அடைய வேண்டிய பயனையும் மறவாத விழிப்பு நிலையிலே செயலாற்றும் திறன்தான் விழிப்பு நிலையாகும்.

ஒவ்வொரு செயல் முடிவிலும் விளைவைக் கணித்து, தான் செய்த முறை, அதில் விளைந்த தவறுகள் அல்லது நன்மைகள் இவற்றைச் சிந்தித்து உணர்வது; ஒவ்வொரு நாளும் இரவு படுக்குமுன், தான் செய்த செயல்கள் அனைத்தையும் நினைவிற்கு கொண்டு வந்து தான் செய்த செயல்களைச் சோதிப்பது; செயலில் தவறு இருந்தால் இனி அந்த செயலில் தவறு ஏற்படாது உறுதி கொள்வது; நலமாக இருந்தால் அந்த முறையை அழுத்தமாக மனத்தில் பதிவு செய்து கொள்வது; இவை அனைத்தும் இணைந்த முறையே தற்சோதனையாகும்.

 பயனுள்ள சிந்தனை