நூல் அகராதி- ஈட்டி எழுபது

[You must be registered and logged in to see this image.]


இந்நூல் செங்குந்த மரபினரின் பெருமையை எடுத்துரைக்க ஒட்டக்கூத்தரால் 70 வெண்பாக்கள் அமையப் பாடப்பட்டது. ஒட்டக்கூத்தர் இந்நூலைப் பாடி வெட்டுண்ட மக்களை எழுப்பியதாகக் கூறுவர். இந்நூலின் ஈற்றுப் பாடல் "கலைமகளை' வேண்டும் முறையில் பாடப்பட்ட போதுதான் வெட்டுண்டவர் எழுந்தனர் என்றும் கூறுவர்.

÷செங்குந்தர்கள் தங்கள் மரபின் மாண்பைப் பாடுமாறு ஒட்டக்கூத்தரைக் கேட்டனர். அவ்வாறு பாடவேண்டும் என்றால், அவர்களின் குலத்தில் எழுபது தலைப் பிள்ளைகளின் தலைகளை ஒட்டக்கூத்தர் பரிசாகக் கேட்டார். அவர்கள் அவ்வாறே எழுபது தலைகளை வெட்டிக் கொணர்ந்தனர். அத் தலைகளைக் கண்ட சோழ அரசன் "இது என்ன கூத்து?' என்றான்.

÷புலவர் அதற்கான காரணம் கூறி, அத்தலைகளையே சிம்மாசனம் ஆக்கி, அதன் மீது அமர்ந்து பாடி, கலைமகளை வேண்டி வெட்டுண்ட தலைகளும் உடலும் ஒட்டிக்கொள்ளுமாறு செய்தார். இதனால்தான் இவர் "ஒட்டக்கூத்தர்' என்ற பெயரையும் பெற்றார். இதுவே இந்நூல் எழக் காரணம். நூலின் காலம் கி.பி.12-ஆம் நூற்றாண்டு.



தினமணி

பகிர்ந்தமைக்கு நன்றி பிரபு

நன்றி அண்ணா பகிர்வுக்கு