அட ...கொஞ்சம் சிரியுங்கப்பா !!!

by முழுமுதலோன் Wed May 14, 2014 4:53 pm

* ""பேர் சொல்ல ஒரு பிள்ளை வேணுமுன்னு நெனச்சு இவனப் பெத்தது, தப்பாப் போச்சு..''
""ஏன், என்னாச்சு?''
""இந்த வயசுலயே என்னை பேர் சொல்லிக் கூப்பிடுறான்..''

* ""தினமும் எதுக்கு டிப்-டாப்பா டிரெஸ் பண்ணிக்கிட்டு மரத்துல ஏறி இறங்கறீங்க?''
""அடுத்த மாதம் எனக்கு கிளை மேலாளர் பதவி கொடுக்கப் போறாங்க!''

* ""நூலகர் உங்களைக் கூப்பிடுறார்!''
""எதுக்கு?''
""நீங்க படிச்சிட்டுக் கொடுத்த புத்தகத்தில், நடுவுல கொஞ்சம் பக்கத்தைக் காணோம் என்கிறார்!''

by முழுமுதலோன் Wed May 14, 2014 4:54 pm

புகழேந்தி: மேடையிலே ஏறிப் பேச ஆரம்பிச்சா, அப்படியே எனக்கு அருவி மாதிரி கொட்டும்..!
மணி: வார்த்தைகளா..!
புகழேந்தி: ஊஹூம்... வியர்வை..!

* வீரன் 1: போருக்குப் போவதற்கு முன்னால் பாதையெல்லாம் சரிப்படுத்தச் சொல்கிறாரே மன்னர், எதற்கு?
வீரன் 2: திரும்ப ஓடி வருவதற்கு வசதியாக இருக்கட்டுமே என்றுதான்...!

by முழுமுதலோன் Wed May 14, 2014 4:56 pm

* காசி: மேலே இருந்து கீழே வந்தால் அது அருவி...
சூரி: அப்ப... கீழே இருந்து மேலே போனால்..?
காசி: அது குருவி!

* "ஆசிரியர்: "பாட்டனி'க்குத் தமிழ்ல என்னன்னு சொல்லு?
சோமு: "தாவர இயல்' சார்!
ஆசிரியர்: "ஜூவாலஜி'க்கு?
சோமு: "தாவுற இயல்' சார்..!

by முழுமுதலோன் Wed May 14, 2014 4:56 pm

* அம்மா: உனக்கு எந்தத் துறையில நாட்டம் இருக்கோ, அதுலேயே படிக்க வச்சிடலாம்னு அப்பா சொல்லிட்டாங்கடா...
மகன்: முதல்லே எனக்கு சாப்பாட்டைப் போடுங்க... மத்ததையெல்லாம் பிறகு பார்த்துக்கலாம்..

* மகன்: அப்பா, எனக்கு ஒரு சந்தேகம்..!
அப்பா: என்ன சந்தேகம்..?
மகன்: தாத்தா இல்லாத பையனாச்சேன்னு என்னை ஏன் செல்லமா வளர்க்க மாட்டேங்குறீங்க..?

ஒருவர்: மழையில் நனைந்து கொண்டே ஓடி வருகிறாரே..! யார் அவர்?
மற்றவர்: அவர்தான் வானிலை அறிவிப்பாளர்...!

by முழுமுதலோன் Wed May 14, 2014 4:57 pm

* சாமி: என்னது..? ஒரே நேரத்துல ஐநூறு சேனல் பார்த்திருவாரா..? அது எப்படி?
கோபி: ஆமாம்... அவரு பேரு கண்ணாயிரம்..!

* ஒருவர்: என்ன..? திடீர்னு தூறல் போடுது..?
மற்றவர்: (அருகிலிருப்பவரைக் காட்டி) எல்லாம் அவராலேதான்... இடி..இடின்னு சிரிச்சார்ல... அதான்..!

by முழுமுதலோன் Wed May 14, 2014 4:57 pm

* ""இவ்ளோ பெரிய அரங்கத்துல அந்தப் பாடகர் பாடுறார். ஒரே ஒருத்தர்தான் கேக்கறார். ஏன்?''
"அவர் பாடறது ஒருதலை ராகமாம்.'

* சோபி: என் பூட்டை உடைத்து 5 லட்சம் பணத்தை திருடிட்டு போயிட்டாங்க.
ராபி: ஐயோ! பூட்டுக்குள்ள எப்படி 5 லட்சம் வச்சிருந்தே?

by முழுமுதலோன் Wed May 14, 2014 4:58 pm

* "எல்லா கேள்விக்கும் பதில் தெரியாவிட்டாலும், தெரிஞ்ச வரைக்கும் எழுதிட்டு வா! னு சொன்னீங்களேப்பா!'
"ஆமாம், அதுக்கென்ன!'
"பக்கத்துல உட்கார்ந்து எழுதுன பையனோட பரீட்சை பேப்பரிலிருந்து தெரிஞ்ச வரைக்கும் பார்த்து எழுதிட்டேன்ப்பா.'

* ஆசிரியர்: ""பாண்டவர்களின் தாய் "குந்தி'க்கு ஏன் அந்தப் பெயர் வந்தது...?''
மாணவன்: ""சும்மா "குந்தி'யே இருந்ததால் இருக்கும் சார்''

by முழுமுதலோன் Wed May 14, 2014 4:58 pm

* நிருபர்: ""உங்க கட்சி எந்த அணியிலே இருக்கு?''
தலைவர்: ""நொந்த அணியிலே இருக்கு''

* ""இந்த டாக்டர் எப்பவும் மாத்திரைக்குப் பதிலா "சிரப்'தான் எழுதித் தருவார்.''
""ஏன் அப்படி?''
""அவரை எல்லாரும் "சிறப்பு டாக்டர்'னு சொல்லணுமாம்!''

by முழுமுதலோன் Wed May 14, 2014 4:59 pm

• பல் டாக்டர்: எங்கே, ஆ காட்டுங்க!
வந்தவர்: ஆ தானே! எங்கே இருக்குன்னு சொல்லுங்க, காட்டுறேன்...

• பாபு: ஒரு பூனை தன்னோட மாமியார் பூனையை எப்படிக் கூப்பிடும்?
கோபால்: மாமியாவ்...

dinamani