இயற்கையின் பிரம்மிப்பில் பொய்மான்கரடு

பொய்மான் கரடு என்றதும் பலருக்கும் நினைவுக்கு வருவது கல்கி எழுதிய சிறுகதைதான். அதையும் தாண்டி சிலருக்கு பொய்மான் கரடு என்ற சுற்றுலா தளம் நினைவுக்கு வரும். அதற்கு காரணம், பொய்மான் கரடு பகுதியின் இருக்கும் இயற்கை தான்.

சேலம் - நாமக்கல் செல்லும் தேசிய நெடுஞ்சாலையில் அமைந்துள்ளது இந்த பொய்மான் கரடு. சேலத்தில் இருந்து 9 கி.மீ. தொலைவில் உள்ள பொய்மான் கரடுவுக்கு சுற்றுலா செல்பவர்கள், வெகு நாட்களுக்கு அந்த காட்சியை மறக்க மாட்டார்கள்.

அதாவது, இப்பகுதியில் அமைந்துள்ள கரடின் கிழக்குப் பகுதியில் உள்ள சமதளத்தில் இருந்து பார்த்தால் கரடின் இரு பாறைகளின் மத்தியில் உள்ள குகை ஒன்றில் இரு கொம்புகள் கொண்ட மான் இருப்பது போன்ற தோற்றம் தெரியும். ஆனால், அந்த மலையை நெருங்க நெருங்க அந்த மான் இருப்பது போன்ற மாயத்தோற்றம் மறைந்து விடும். அதனாலேயே இப்பகுதிக்கு பொய்மான் கரடு என்று பெயரிடப்பட்டது.

இயற்கையை விரும்பும் பலரும், இப்பகுதிக்கு குடும்பத்துடன் அல்லது நண்பர்கள் குழுவுடன் சுற்றுலா வருகிறார்கள்.

சுற்றுலாப் பயணிகள் சேலம் சென்று அங்கிருந்து பொய்மான் கரடுக்கு செல்ல வேண்டும். பொய்மான் கரடுக்கு பேருந்துகள் எதுவும் இயக்கப்படவில்லை. சொந்த வாகனங்களில் செல்லலாம். சேலம் - நாமக்கல் தேசிய நெடுஞ்சாலையில் செல்வோர் இப்பகுதியை நிச்சயம் காணலாம்.

நன்றி: தினமணி.

அமரர் கல்கி சிறுகதை ஞாபகம் வந்தது உண்மைதான். 
பகிர்வுக்கு நன்றி