கேரட் ஜவ்வரிசி பாயசம்

by முழுமுதலோன் Mon May 19, 2014 4:39 pm

[You must be registered and logged in to see this link.]

தேவையானப்பொருட்கள்:

கேரட் (பெரியது) - 1
ஜவ்வரிசி - 3 டேபிள்ஸ்பூன்
பால் - 1/2 லிட்டர் (2 பெரிய டம்ளர்)
சர்க்கரை - 3 முதல் 4 டேபிள்ஸ்பூன் வரை
முந்திரிப்பருப்பு - 15
காய்ந்த திராட்சை - சிறிது
ஏலக்காய்த்தூள் - 2 சிட்டிகை
நெய் - 1 டீஸ்பூன்

செய்முறை:

ஜவ்வரிசியை தண்ணீரில் 1 மணி நேரம் ஊற வைக்கவும்.

10 முந்திரி பருப்பை சிறிது பாலில் 20 முதல் 30 நிமிடங்கள் வரை ஊற விடவும்.

கேரட்டைக் கழுவி, தோலை சீவி விட்டு, சிறு துண்டுகளாக நறுக்கி, சிறிது தண்ணீரைச் சேர்த்து வேக வைத்தெடுக்கவும்.

ஊறிய ஜவ்வரிசியைக் கழுவி, நீரை வடிகட்டி விட்டு, 1 அல்லது 2 கப் தண்ணீரைச் சேர்த்து வேக விடவும். ஜவ்வரிசி மினுமினுப்பாக வெந்ததும் இறக்கி வைக்கவும்.

ஒரு மிக்ஸியில், வெந்த கேரட்டையும் , ஊற வைத்துள்ள முந்திரியையும், ஊற வைத்த பாலுடன் சேர்த்து விழுதாக அரைத்தெடுக்கவும்.

அடி கனமான ஒரு பாத்திரத்தில் பாலை ஊற்றிக் காய்ச்சவும். பால் கொதிக்க ஆரம்பித்ததும், அடுப்பை மிதமான தீயில் வைத்து, கேரட் விழுது, வெந்த ஜவ்வரிசி ஆகியவற்றைச் சேர்த்துக் கிளறி விடவும். சர்க்கரையையும் சேர்த்துக் கலந்து மேலும் சில நிமிடங்கள் கொதிக்க விடவும்.

மீதமுள்ள முந்திரிப்பருப்பையும், திராட்சையையும் ஒரு டீஸ்பூன் நெய்யில் வறுத்து பாயசத்தில் சேர்க்கவும். கடைசியில் ஏலக்காய்த்தூளைத் தூவிக் கலந்து, இறக்கி வைக்கவும்.

சூடாகவோ அல்லது குளிர வைத்தோ சாப்பிடலாம்.

muganool