ஆசைகள் பூத்த வனம்!

by kanmani singh Mon May 26, 2014 12:36 pm

" />

ஆசைகள் பூத்த நந்தவனம்
இந்த நெஞ்சின் வனம்..
முட்களும் பூக்களும்
வண்டுகளும் தேனும்
வாசமும் தென்றலும்
தேடாமலே வாசம் கொள்ளும்
தென்றல் வனம்!
மலர்ச்சியும் வாடலும்
சருகுகளும் தளிர்களும்
வறட்சியும் செழுமையும்
அறிவிக்கப்படாமல்
ஆட்சி மாறிக்கொள்ளும் அரசாங்கம்!
சில நேரங்களில் தண்ணீரையும்
பல நேரங்களில் கண்ணீரையும்
உரமாக்கிக் கொள்ளும்,
சில நேரங்களில் குறிஞ்சிகளையும்
பல நேரங்களில் வலிகளையும்
விளைவித்துக் கொல்லும்..
ஆசைகள் பூத்த வனம்
இந்த ரணம் பூத்த நெஞ்சின் வனம்!