சூட்கேஸ் ஸ்கூட்டர்

by நாஞ்சில் குமார் Sun Jun 08, 2014 10:53 pm

சூட்கேஸைத் தூக்கிச் செல்ல சிரமமாக இருந்தபோது சூட்கேஸுகளுக்குச் சக்கரங்கள் பொருத்தப்பட்டன. எளிதாக அதை இழுத்துக்கொண்டு செல்ல முடிகிறது. சீனாவைச் சேர்ந்த ஹீ லியாங்கய், இதிலும் புதுமையாக சூட்கேசையே ஓடும் ஸ்கூட்டராக மாற்றிவிட்டார். 7 கிலோ எடை கொண்ட இந்த ஸ்கூட்டரில் இரண்டு பேர் பயணம் செய்யமுடியும். ஒரு மணி நேரத்திற்கு 50 முதல் 60 கி.மீ வேகத்தில் 20 கிலோமீட்டரை அந்த ஸ்கூட்டர் சென்றடையும். அதுமட்டுமல்ல இடத்தைக் கண்டறிவதற்கான ஜி.பி.எஸ் வசதியும் செய்யப்பட்டுள்ளது. சரி இந்த வண்டி எதில் ஓடுகிறது எனக் கேட்கிறீர்களா? கவலை வேண்டாம் பெட்ரோலில் இல்லை. பேட்டரியால் இயங்கக்கூடிய வகையில் ஹீ இதை வடிமைத்துள்ளார். இதை எளிதாக ரீசார்ஜ் செய்யகொள்ள முடியும். இந்த சூட்கேஸ் ஸ்கூட்டரை உருவாக்க ஹீக்கு 10 வருடங்கள் ஆனதாம்.

நன்றி: தி இந்து