இரட்டை அர்த்தம் (double meaning)

இரட்டை அர்த்தம் (double meaning) வழக்கமாக நண்பர்களிடம் நாம் காணலாம்.

இரண்டு அல்ல பல விளக்கங்களோடு ஒரு பாடலை எழுதினால் அதனை சிலேடை பாடல் என்கிறோம். அதில் புலமைப்பெற்றவர் நமது கவிகாலமேகப் புலவர் . அவரை பற்றி அறிய விக்கிபீடியாவை அணுகவும். இப்பொழுது அவருடைய பாடலை காண்போம்.

ஒருவர் ஆறுதலை அளிக்கும் பாடலை பாடும்படி கேட்டதற்கு, எப்படி தமிழில் விளையாடுகிறார் பாருங்கள்.

சங்கரர்கு மாறுதலை; சண்முகற்கு மாறுதலை;
ஐங்கரர்கு மாறுதலை ஆனதே; - சங்கைப்
பிடித்தோர்க்கு மாறுதலை; பித்தாநின் பாதம்
படித்தோர்க்கு மாறுதலைப் பார்.


இங்கு மாறுதலை என்பது முறையே சிவன், முருகன், வினாயகர், பெருமாள் மற்றும் சிவனடியார் ஆகியோர்க்கு உகந்து வந்துள்ளமையைக் காண்க.


பொருள்:
சங்கரர்கும் ஆறுதலை – சிவனுக்கு கங்கையாகிய ஆறு தலையிலுண்டு
சண்முகற்கும் ஆறுதலை – முருகப் பெருமானுக்கும் ஆறு முகமுண்டு.
ஐங்கரர்கு மாறுதலை – ஐந்து கைகளையுடைய வினாயகனுக்கு மாற்றப்பட்ட தலை.
சங்கைப் பிடித்தோர்க்கு மாறுதலை – விஷ்ணுவுக்கு வெவ்வேறு அவதாரங்களில் மாறுபட்ட தலைகள்.
பித்தாநின் பாதம் – பித்தனாகிக சிவனே! நின் பாதம்
படித்தோர்க்கும் ஆறுதலைப்பார் – பணிந்தோர்க்கும் ஆறுதல் கிடைக்கப் பெறுவதைப் பார்க்க.

தகவலுக்கு நன்றி...