கடல் குதிரை

கடல் குதிரை பற்றிய தகவல்


"உலகத்திலேயே கடல் குதிரை தான் ஆண் வர்க்கத்தில் கர்ப்பம் தரித்து குழந்தை பெற்று கொள்ள முடியும்"

கண்களை எந்தப் பக்கமும் திருப்புதல், குதித்து குதித்து ஓடும் ஒருவகை மீன் இனம், குதிரை போன்ற முக அமைப்பு, குரங்கு போன்ற வால், ஆண் இனங்கள் இனப்பெருக்கம் செய்தல் இப்படியாக பல்வேறு சிறப்புகளையுடைய அரியவகை கடல்வாழ் உயிரினமான கடல் குதிரைகள் பல்வேறு காரணங்களால் கொஞ்சம் கொஞ்சமாக அழிந்துவருவதை அரசு தடுக்க தீவிர நடவடிக்கை எடுக்க வேண்டும்.

உடலமைப்பை பொருத்தவரை நன்கு நீண்டு வளையங்களால் அமைந்தது போன்றும் வாய் நீண்டு குழல் போலவும் மார்புப் பகுதி சற்று அகன்று விரிந்தும் காணப்படுகிறது. உடலில் பக்கவாட்டுக் கோடுகள் மற்றும் நீண்ட புள்ளிகள் தென்படுகின்றன. சுமார் 6 செ.மீ முதல் 17 செ.மீ வரை நீளமும் எடை 4 கிராம் முதல் 14 கிராம் வரையும் இருக்கிறது.

பெண் கடற்குதிரைகள் தங்களின் முட்டைகளை (200) ஆண்களின் வால் பகுதியில் உள்ள இனப்பெருக்கப் பைகளில் விட்டுவிடும். அதனை ஆண் கடற்குதிரைகள் கங்காரு போல நன்கு பேணி ஆறு வாரங்கள் பாதுகாத்து குஞ்சுகளாகப் பொரிக்கின்றன. குஞ்சுகளின் எண்ணிக்கையும் 50 முதல் 100 வரை இருக்கும். பிறக்கும் குஞ்சுகளின் நீளம் ஏறத்தாழ ஒரு செ.மீட்டராக இருந்தாலும் பெற்றோரின் பாதுகாப்பு அதிகமாகவே இருக்கும்.

உலகில் மொத்தம் 35 வகையான கடல் குதிரைகள் காணப்படுகின்றன. இவை பெரும்பாலும் ஆழம் குறைந்த கடல் பகுதிகளான கடற்புற்கள் பவளப்பாறைகள் நிரம்பிய இடங்களில் வாழ்கின்றன இவற்றின் முக்கிய உணவு இறால்களாகும். கடல் குதிரைகள் தங்களின் வாலைப் புல்களில் கட்டிக்கொண்டு நிற்க முடியும். இதன் உடல் கடினமான எலும்பு போன்ற பொருள்களினால் ஆன போதிலும் நண்டு பெங்குவின் முதலியன இவற்றை வேட்டையாடி உண்கின்றன. பெரும்பாலான மீன்கள் கடல் குதிரையைக் கண்டுகொள்வதில்லை.கடல் குதிரைக்குக் கடலில் உள்ள விரோதிகளைக் காட்டிலும் நிலத்தில் உள்ள விரோதியான மனிதன் தான் மிகுந்த தொல்லை கொடுக்கிறான்.


மீன் இனத்தைச் சேர்ந்த உயிரினம்தான் கடல்குதிரை. பார்ப்பதற்கு முதலைக் குட்டியைப் போலிருக்கும். ஆண் கடல் குதிரையின் வாலின் கீழே பை போன்ற அமைப்பு இருக்கும். ஆண் கடல் குதிரைகளின் இந்தப் பையில்தான் பெண் கடல் குதிரைகள் முட்டையிடுகின்றன. முட்டைகள் பொரிவதும் வெளிவரும் குஞ்சுகள் சிறிது காலம் வளர்வதும் இந்தப் பையில்தான். முட்டைகள் பொரிந்து குஞ்சுகள் வெளிவரும் நேரத்தில் அப்பா கடற்குதிரைக்கு பிரசவ வலி வரும். அப்போது
அது நீருக்கடியில் உள்ள புதற்களுக்கிடையே கிடந்து மிகவும் சிரமப்படும். உடலை முன்னும் பின்னுமாக அசைத்து வளைக்கும். இப்படி வளையும்போது பையின் தசைகள் விரிவடையும். ஒவ்வொரு முறை வளையும்போதும் ஒவ்வொரு குஞ்சு வெளிவரும்.

இதில் பிரச்சனை என்னவென்றால் கடல்குதிரையின் இனப்பெருக்க வேகம் மிகவும் குறைவு. மனிதர்களுக்கு வேகத்தைத் தரும் கடல் குதிரைகளுக்குத் தான் வேகம் வருவதில்லை. இப்படியே போனால் எதிர்காலத்தில் கடல் குதிரைகள் என்கிற இனம் என்ன ஆகுமென்று யாருக்கும் தெரியாது.
 — 
[You must be registered and logged in to see this link.]
[You must be registered and logged in to see this image.]
[You must be registered and logged in to see this link.]

தகவலுக்கு நன்றி

நல்லதொரு தகவல். நன்றி

[You must be registered and logged in to see this link.]

# மீன் இனத்தைச் சேர்ந்தது கடல் குதிரை.
# லத்தீன் மொழியில் கடல்குதிரையின் பெயர் ஹிப்போகேம்பஸ். அதன் பொருள் குதிரைத் தட்டான்.
# மீனைப் போல படுக்கைவாட்டில் நீந்தாமல் நிமிர்ந்து நின்று நீந்தும். இதன் முகம் குதிரையின் முகம் போலவே இருப்பதால் ‘கடல் குதிரை’ என்று அழைக்கிறார்கள்.
# கடல் குதிரை தனது செவுள்களால் சுவாசிக்கும்.
# உலகில் உள்ள உயிரினங்களிலேயே குட்டிகளைப் பிரசவிக்கும் ஒரே ஆண் உயிரி கடல் குதிரைதான். ஆண் கடல் குதிரையின் உடலில் ஒரு சிறிய தோல் பை வளர்ந்திருக்கும். பெண் கடல் குதிரை அந்தப் பைக்குள் முட்டையிடும்.
# முட்டைகளை பொரித்து குட்டிகளை வளர்க்கும் கடமை ஆண் கடல் குதிரையைச் சாரும். 50 முதல் 1500 முட்டைகள் வரை இட்டு பிரசவிக்கும். முட்டைகளை அடை வைக்கும் காலம் 14 நாட்கள் தொடங்கி 4 வாரங்கள் வரை.
# தந்தையின் வயிற்றிலிருந்து பிரியும் குட்டிகளில் ஆயிரத்தில் ஒன்றுதான் பெரிதாகும்.
# குஞ்சுகள் பைக்குள்ளேயே வளர்ந்த பிறகே இரை தேட வெளியே வரும்.
# கடல் குதிரைகள் கூர்மையான பார்வைத்திறன் உடையவை. முகத்தின் பக்கவாட்டில் அவற்றின் கண்கள் இருப்பதால் முன்னும் பின்னும் பார்க்க முடியும். வேட்டையாடுவதற்குப் பார்வைத் திறன் உதவுகிறது.
# கடல்குதிரையின் நீள்வடிவ கூர்மையான முகம், உணவைச் சிறிய இண்டு இடுக்குகளிலும் புகுந்து தின்பதற்கு உதவுகிறது. உணவைப் பார்த்தவுடன் ‘வாக்குவம் க்ளீனர்’ எந்திரம் போல அதன் மூக்கால் உணவை நேரடியாக உறிஞ்சி விடும். உணவு பெரிதாக இருந்தால் மூக்கு விரிவடையவும் செய்யும். கடல் குதிரை உணவை சுவைப்பதில்லை.
# சிறிய இறால் வகை மீன்களைச் சாப்பிடும். வளர்ந்த கடல் குதிரை நாள் ஒன்றுக்கு 30 முதல் 50 முறை சாப்பிடும். குட்டி கடல் குதிரைகள் ஒரு நாளைக்கு 3,000 உணவுத் துண்டுகளைச் சாப்பிடும்.
# கடல் குதிரையின் வால் பற்றிப் பிடிக்கும் தன்மையுடையது. கடலில் உள்ள புற்கள் மற்றும் பிற தாவரங்களைப் பற்றிக்கொண்டு வேகமான நீர்ப்போக்கால் அடித்துச் செல்லப்படாமல் தப்பித்துவிடும்.
# கடல் குதிரைகள் சூழ்நிலைக்கு ஏற்ப வேகமாக தன் நிறங்களை மாற்றிக்கொள்ளும். ஆண் கடல் குதிரையும், பெண் கடல் குதிரையும் இணையும்போது நிறங்களை மாற்றும்.
# கடல்குதிரைகள் மிக மெதுவாகவே நீந்தும்.
# உலகம் முழுவதும் 30 முதல் 40 வரையிலான கடல் குதிரை வகைகள் உண்டு.
# கடல் குதிரைக்கு பல்லும் வயிறும் கிடையாது. உணவு வெளியேறி விடுவதால் தொடர்ந்து சாப்பிட்டுக்கொண்டே இருக்கும்.
# கடல் குதிரை தன் வாழ்நாள் முழுவதும் செய்யும் இரண்டே வேலைகள் உண்பதும் ஓய்வெடுப்பதும்தான்.
# அரை அங்குலம் முதல் எட்டு அங்குலம் வரை கடல்குதிரையின் அளவுகள் உள்ளன.
# கடல் குதிரைகளுக்கு எதிரிகளிடம் சண்டையிடுவதற்கு எந்த உறுப்புகளும் இல்லை. கூர்மையான பார்வையால் எதிரிகளைக் கண்டவுடன் மறைந்துகொள்ளும் தகவமைப்பு மட்டுமே அதற்குப் பாதுகாப்பு.
# கடல் குதிரையின் ஆயுட்காலம் நான்கு முதல் ஆறு ஆண்டுகள். கடல் குதிரைகளைப் பிடித்து வளர்க்கும்போது அதனால் தாக்குப்பிடிக்க முடியாமல் சீக்கிரமே இறந்துவிடும்.

[You must be registered and logged in to see this link.]

பகிர்வுக்கு நன்றி நண்பா