சாலை விதிகளை மீறினால் அபராதம்: போலீசாரின் அதிரடி நடவடிக்கை தீவிரம்

மும்பையில் அதிகரித்துவரும் சாலை விதிமுறை மீறல்களை குறைக்க ‘ஆபரேஷன் ஈகிள்’ என்ற அதிரடி நடவடிக்கை மூலம் போக்குவரத்து போலீசார் அதிரடி நடவடிக்கை மேற்கொண்டு வருகிறார்கள். போக்குவரத்து சிக்னல் அமைந்துள்ள பகுதியில் நிற்கும் சாதாரண உடை அணிந்த போலீசார் வாகன ஓட்டிகளை கண்காணிப்பார்கள். சிக்கனலை மதிக்காமல் செல்பவர்கள், ஹெல்மெட் அணியாமல் செல்பவர்கள் குறித்து 200 மீட்டர் தொலைவில் சீருடையில் காத்திருக்கும் போலீஸ் குழுவிற்கு தகவல் கொடுப்பார்கள்.

இந்த வகையில் கடந்த மே 28–ந் தேதி முதல் கடந்த 15–ந் தேதி வரை சாலை விதிமுறைகளை மீறிய 51 ஆயிரம் வாகன ஓட்டிகளுக்கு அபராதம் விதிக்கப்பட்டு உள்ளது. அவர்களிடம் அபராதமாக ரூ.44.15 லட்சம் வசூல் செய்யப்பட்டு உள்ளது. இதில் சிக்கனலை மீறி சென்றதாக மட்டும் 17 ஆயிரத்து 203 பேர் பிடிபட்டு உள்ளனர். இதேபோல் ஹெல்மேட் அணியாமல் சென்ற 20 ஆயிரம் பேரும் இந்த அதிரடியில் சிக்கி உள்ளனர்.


நன்றி: தினத்தந்தி

சாலை விதிகளை நாமாக கடைபிடிக்க வேண்டும்.

அபராதம் விதித்தால்தால் கடைபிடிப்பேன் என்பது தவறான பழக்கம்.