கேட்கா வரத்தைக் கேட்கநான் துணிந்தேன்

இந்த மனிதர்கள் அனைவரும் இறைவனை நோக்கி கேட்பது ஒரே விதமான கேள்வி தான், "எனக்கு அது வேண்டும்,இது வேண்டும் , எனை காக்க வேண்டும்"
அனால் இந்த மீசை கவிஞனின் வேண்டுதல் பாரீர் . இதை விட அழகான ஒரு வேண்டுதல்
இருக்குமோ. ஒவ்வொருவரின் சுயநல பிரார்த்தனைக்கும் பாரதி கொடுத்த சாட்டையடி
.



பேசாப் பொருளைப் பேசநான் துணிந்தேன்,
கேட்கா வரத்தைக் கேட்கநான் துணிந்தேன்,
மண்மீ துள்ள மக்கள், பறவைகள்.
விலங்குகள் பூச்சிகள் புற்பூண்டு, மரங்கள்,
யாவுமென் வினையால் இடும்பை தீர்ந்தே,

இன்பமுற் றன்புடன் இணங்கிவாழ்ந்த் திடவே
செய்தல் வேண்டும், தேவ தேவா!
ஞானா காசத்து நடுவே நின்றுநான்
'பூமண்ட லத்தில் அன்பும் பொறையும்
விளங்குக; துன்பமும், மிடிமையும் நோவும்,

சாவும் நீங்கிச் சார்ந்தபல் லுயிரெலாம்
இன்புற்று வாழ்க', என்பேன்! இதனை நீ
திருச்செவி கொண்டு திருவுளம் இரங்கி
'அங்ஙனே யாகுக' என்பாய் ஐயனே
இந்நாள் இப்பொழுது தெனக்கிவ் வரத்தினை

அருள்வாய்; ஆதிமூலமே! அநந்த
சக்தி குமாரனே! சந்திர மவுலீ
நித்தியப் பொருளே! சரணம்
சரணம் சரணம் சரணமிங் குனக்கே.



பித்தனும் அப்படியே பிரார்த்தனை செய்ய விரும்புகிறான்.
நீங்கள்?

நானும் இவ்வாறே பிராத்தனை செய்ய விரும்புகிறேன் பித்தன்

பித்தனின் எண்ணமே என் எண்ணமும்.

அருமை... நல்லொதொரு வேண்டுதல்... உண்மையில் என் வேண்டுதலும் அதுதான்

நன்றி பித்தன் அவர்களே.