30 வகை இனிப்பு உருண்டை சமையல்

by mohaideen Tue Jun 24, 2014 3:50 pm

First topic message reminder :

ரவா தேங்காய் உருண்டை:

30 வகை இனிப்பு உருண்டை சமையல் - Page 2 Sl406

தேவையானவை:

தேங்காய் துருவல் - 1 கப், ரவை - அரை கப், சர்க்கரை - முக்கால் கப், ஏலக்காய் தூள் - 1 டீஸ்பூன், நெய் - 2 டேபிள்ஸ்பூன்.

செய்முறை:

ஒரு டேபிள்ஸ்பூன் நெய்யில் ரவையை நன்கு வறுத்துக்கொள்ளுங்கள். மீதி இருக்கும் நெய்யில் தேங்காயை நன்கு வறுத்துக்கொள்ளுங்கள்.

சர்க்கரையுடன் கால் கப் தண்ணீர் சேர்த்து, அடுப்பில் வைத்து, சர்க்கரை கரைந்து, ‘பிசுக்கு பதம்’ வந்ததும் இறக்குங்கள்.

சர்க்கரை கரைந்து கொதித்ததும், ஆள்காட்டி விரலாலும் கட்டை விரலாலும் பாகைத் தொட்டுத் தேய்த்துப் பார்த்தால், கம்பி பிரிந்து வராமல், பிசுபிசுப்பாய் விரல்களில் ஒட்டும். அதுதான் ‘பிசுக்கு’ பதம்

.
வறுத்த ரவை மற்றும் தேங்காய் துருவலை பாகில் கொட்டி, ஏலக்காய்தூள் சேர்த்துக் கிளறி, இறக்கி சிறு சிறு உருண்டைகளாகப் பிடித்துவையுங்கள்

by mohaideen Tue Jun 24, 2014 4:53 pm

முந்திரி சிக்கி
30 வகை இனிப்பு உருண்டை சமையல் - Page 2 Ch-300x178_110716

தேவையானவை:

முந்திரிப்பருப்பு - 100 கிராம்,
சர்க்கரை - அரை கப்,
நெய் - 1 டேபிள்ஸ்பூன்.

செய்முறை:

முந்திரியை வெறும் கடாயில் குறைந்த தீயில் நன்கு வறுத்தெடுங்கள். ஒரு கடாயில் சர்க்கரையையும் நெய்யையும் மட்டும் கலந்து ( கவனிக்கவும்: தண்ணீர் சேர்க்கவே கூடாது)

அடுப்பில், குறைந்த தீயில் வையுங்கள்.

சர்க்கரை நன்கு கரைந்தவுடன், முந்திரியை அதில் கொட்டிக் கலந்துகொள்ளுங்கள். நெய் தடவிய பலகை அல்லது சப்பாத்தி கல்லில் முந்திரிக் கலவையைக் கொட்டி, குழவியால் நன்கு மெல்லியதாக தேய்த்துவிடுங்கள்.

ஆறியதும் வில்லைகளாக உடைத்து எடுங்கள்.

சூப்பர் சுவையில் முந்திரி சிக்கி ரெடி.

by mohaideen Tue Jun 24, 2014 4:55 pm

பாதாம் சிக்கி
30 வகை இனிப்பு உருண்டை சமையல் - Page 2 Pathaam

தேவையானவை:

பாதாம்பருப்பு - 100 கிராம், சர்க்கரை - அரை கப், நெய் - 1 டேபிள் ஸ்பூன்.

செய்முறை:

பாதாமை இரண்டாக நீளவாக்கில் குறுக்கே வெட்டிக்கொள்ளுங்கள். நெய்யை காயவைத்து, பாதாம்பருப்பை போட்டு நன்கு வறுத்தெடுங்கள்.

சர்க்கரையுடன் நெய்யைக் கலந்து (தண்ணீர் வேண்டாம்) அடுப்பில் குறைந்த தீயில் வைத்து, சர்க்கரை நன்கு கரைந்தவுடன் பாதாமைக் கொட்டிக் கிளறுங்கள்.

முந்திரி சிக்கிக்கு சொன்னது போலவே செய்து, ஆறியதும் உடைத் தெடுங்கள்.

by mohaideen Tue Jun 24, 2014 4:56 pm

பனீர் கோவா உருண்டை

30 வகை இனிப்பு உருண்டை சமையல் - Page 2 Panir_goa

தேவையானவை:

பனீர் - 200 கிராம், பால்கோவா - 100 கிராம், பொடித்த சர்க்கரை - அரை கப், தேங்காய் துருவல் - கால் கப், ஏலக்காய்தூள் - அரை டீஸ்பூன் அல்லது வெனிலா எசன்ஸ் - அரை டீஸ்பூன்.

செய்முறை:

தேங்காய் துருவலை மிக்ஸியில் தண்ணீர் சேர்க்காமல் அடித்துக்கொள்ளுங்கள். பனீரைத் துருவிக்கொள்ளுங்கள்.

தேங்காய், கோவா, பனீர், சர்க்கரை, எசன்ஸ் அல்லது ஏலக்காய்தூள் கலந்து, சிறு சிறு உருண்டைகளாக நன்கு அழுத்திப் பிடித்து வையுங்கள்.

விருந்துகளுக்கு ஏற்ற வித்தியாசமான ஸ்வீட் உருண்டை.

by mohaideen Tue Jun 24, 2014 4:58 pm

ஃப்ரூட் அண்ட் நட் உருண்டை
30 வகை இனிப்பு உருண்டை சமையல் - Page 2 Fruit_nut

தேவையானவை:

பேரீச்சம்பழம் - அரை கப், பாதாம், முந்திரி, அக்ரூட் (மூன்றையும் வாசம் வர வறுத்துப் பொடியாக நறுக்கிய கலவை) - அரை கப், வெனிலா எசன்ஸ் (விருப்பப்பட்டால்) - சில துளிகள், நாட்டுச்சர்க்கரை - 1 டேபிள்ஸ்பூன் அல்லது பனங்கற்கண்டு - 1 டேபிள்ஸ்பூன்.

செய்முறை:

பேரீச்சம்பழத்தை பொடியாக நறுக்கி, எல்லாவற்றையும் ஒன்றாக மிக்ஸியில் போட்டு விப்பர் பிளேடால் நன்கு அடித்துக்கொள்ளுங்கள். ரொம்ப நைஸாக அரைபட்டுவிடாமல், ஒன்றும் பாதியுமாக உடைக்கவேண்டும்.

பிறகு அந்தக் கலவையை ஒரு தட்டில் கொட்டி, அழுத்திப் பிசைந்து, சிறு உருண்டைகளாகப் பிடியுங்கள். பிறந்தநாள் விழாக்களில் பிடித்து வைத்தால், நிமிடத்தில் காலியாகும் இந்த உருண்டை.

by mohaideen Tue Jun 24, 2014 4:59 pm

கமர்கட்

30 வகை இனிப்பு உருண்டை சமையல் - Page 2 Sl2219

தேவையானவை:

தேங்காய் துருவல் - 1 கப் (அழுத்தி அளக்கவேண்டும்), வெல்லத்துருவல் - 2 கப், நெய் - 1 டேபிள்ஸ்பூன்.

செய்முறை:

வெல்லத்துருவலை கால் கப் தண்ணீர் சேர்த்து, அடுப்பில் வைத்துக் கரையவிட்டு வடிகட்டி, மீண்டும் அடுப்பில் வைத்து தேங்காய் சேர்த்து நன்கு கிளறுங்கள். (பாகாக ஆகும் வரை விடாமல், வெல்லக் கரைசல் கொதித்ததுமே தேங்காயைப் போடவேண்டும்).

இது சுருண்டு வரும் சமயம், நெய் சேர்த்து மேலும் நன்கு கிளறி இறக்கி, ஆறி இறுகுவதற்குள் வேகமாக உருட்டுங்கள்.

கை சூடு பொறுக்கவில்லை எனில், முதலில் கைக்கு வருவது போல உருட்டிப் போட்டுவிட்டு, பிறகு அழுத்தி உருண்டை வடிவமாக உருட்டிப் பிறகு அழுத்தி உருண்டை வடிவமாக உருட்டிப் போடலாம். தெங்காய், வெல்ல மணத்துடன் வெகு ஜோராக இருக்கும் இந்த கமர்கட்.

by செந்தில் Tue Jun 24, 2014 8:20 pm

by Sponsored content

30 வகை இனிப்பு உருண்டை சமையல்

30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்

Re: 30 வகை இனிப்பு உருண்டை சமையல்