காவனூர். சீனிவாசன் கவிதைகள்

by கவியருவி ம. ரமேஷ் Sat Jul 12, 2014 8:42 am

நிராயுதபாணியான
என்னை
அது
கடித்துக் குதறலாம்
அல்லது
விழுங்கலாம்
அடித்துப்போடலாம்
சிதைத்து
சின்னாபின்னமுமாக்கலாம் ...

வியர்த்துக்கொட்டி
விரல்கள்
நடுக்கமுறுகின்றன.

அச்சத்தின் அடுக்குகள்
அனுமதியின்றி
குடியேறுகின்றன.

உள் நுழையாமல்
திராணியற்று
வெளியில் நிற்கிறேன்
பயத்தின்
மிரட்சியோடு.

சிரித்தபடி
நகர்கிறோம் .
இருந்தாலும்
இருண்டுகிடக்கும்
அவரவர்
மனக்குகைக்குள்
இன்னும்
உலவிக்கொண்டுதானிருக்கிறது
மிருகங்கள்
பசுத்தோல்
போர்த்திக்கொண்டு.

by கவியருவி ம. ரமேஷ் Sat Jul 12, 2014 8:43 am

இரவைக் காணாது
விடியலொன்றில்
துடித்துப்போனான்
இரவைத்திருடி
கையில்
வைத்திருந்தவன். .

கைதுசெய்து
வைத்திருந்த
பின்வந்த
பகலையும்
அவனிடமிருந்து
விடுவித்தது
மீள வந்த இரவு..

ஒளியையும்
இருளையும்
மாற்றி மாற்றி
பிடிப்பதும்
தொலைப்பதுவுமாய்
தொடர்கிற
அவனது
போராட்டத்தில்
தினமும்
தவறாமல்
வந்துபோகிறது
சூரியனும், நிலவும்....

by கவியருவி ம. ரமேஷ் Sat Jul 12, 2014 8:43 am

கைதவறி
விழுந்துடைந்த
என்
கனவொன்றில்
நான்
சிதறிக்கொண்டிருக்கிறேன்
எப்படியோ
தப்பித்திருக்கிறாய்
நீ மட்டும்.

by கவியருவி ம. ரமேஷ் Sat Jul 12, 2014 8:43 am

என்
வாசலை
பெயர்த்துக்
கொண்டிருக்கிறேன்
நீ
வரைந்த
அதிகாலைக் கோலத்தின்
கீழே
வைத்திட.

by கவியருவி ம. ரமேஷ் Sat Jul 12, 2014 8:43 am

சித்திரம் விட்டு
வெளியே வந்த
ராட்சதப்பறவை
முதலில்
விழுங்குவதெனத்
தீர்மானித்திருக்கிறது
வரைந்த
என்னை.

by கவியருவி ம. ரமேஷ் Sat Jul 12, 2014 8:44 am

கணக்கிலெடுக்காமல்
விடுபட்டிருக்கிறேன்.
நான்.

இறுதிச்
சொல்லொன்று
கிடைக்காத
கவிதையாய்
கனக்கிறது,
பெரும்பாறையென
பெயரற்ற
ஒரு வலி.

அடையாளங்களை
கழற்றியெறிந்துவிட்டு
உறைந்துகிடக்கிறது
என்னோடு
மௌனம் .

விழித்திருக்கிறது
காலம்
எங்கும்
இளைப்பாற முடியாமல்.

மிச்சமிருக்கின்றன
எல்லோருக்குமாய்
வெற்றிடங்கள்.

எதற்காவது
ஒத்துவாருங்கள்
ஒன்று
நிரப்பிக்கொள்கிறேன்
இல்லை
கொஞ்சம் பொறுங்கள்
நிரம்பிக்கொள்கிறேன்.

by கவியருவி ம. ரமேஷ் Sat Jul 12, 2014 8:44 am

அள்ளிமுடித்த
ஈரக்கூந்தலிலிருந்து
உதிர்கிறது
சொட்டுச்சொட்டாய்
கவிதைகள்..

மழையில்
நனைந்துவந்த
நீ
உள் நுழையாமல்
வாசலிலேயே
நிற்கிறாய்
மழைத்துளிகளின்
தலை துவட்டி .

அங்கொன்றும்
இங்கொன்றுமாய்
சிதறுகிறது
கலைத்துப்போட்டு
அடுக்கமுடியாமல்
உன் ஞாபகங்கள்.

by கவியருவி ம. ரமேஷ் Sat Jul 12, 2014 8:44 am

வழி
தவறிய
மேய்ப்பனை

பத்திரமாய்
கொண்டுவந்து
சேர்த்தது

மந்தையிலிருந்து
தப்பியோடிய
ஆடு ஒன்று.

by கவியருவி ம. ரமேஷ் Sat Jul 12, 2014 8:44 am

பறவைகளின்
மொழி
புரியவில்லை
தெரிந்திருந்தால்
விட்டு
விலகியிருப்பேன்
மனிதர்களை.

by கவியருவி ம. ரமேஷ் Sat Jul 12, 2014 8:45 am

மலராய்
இருக்கச்
சம்மதம் தான்
இருப்பினும்
விருட்சமாய்
ஆகவே
கிடந்து தவிக்கிறது
மனசு...

by கவியருவி ம. ரமேஷ் Sat Jul 12, 2014 8:45 am

இன்னும்
தரையிறங்காமல்
சுற்றிக்கொண்டே
இருக்கிறது
கனவுகளைச்
சுமந்துகொண்டு
மனம்.

நினைவுகளின்
பார வண்டியை
இழுத்துக்கொண்டு
தனிமைப்பாதையில்
ஒரு
ஓரமாய்
நான்.

சொற்களற்றுப்போன
இடைவெளியை
நிரப்பிப்போகிறதுன்
புன்னகை.

முற்றுப்புள்ளியில்
கரைவதும்
எழுவதுமாய்
இது
என்ன விளையாட்டு?
இன்னும்
முற்றுப்பெறாமல்...

by கவியருவி ம. ரமேஷ் Sat Jul 12, 2014 8:45 am

நாம்
வழக்கமாய்ச்
சந்தித்து
திரும்புமிடத்திலிருந்து
உனக்குத் தெரியாமல்
கிள்ளி
எடுத்துவந்த
வார்த்தையொன்றின்
நுனியில்
அமர்ந்து
எட்டிப்பார்க்கிறது
உன் ஞாபகம்.

by கவியருவி ம. ரமேஷ் Sat Jul 12, 2014 8:45 am

மெல்ல
நடக்கும்போது
ஊன்றுகோலைத்
தவறவிட்ட
முதியவரொருவர்
தடுமாறி
விழுகையில்
அவரைத்
தாங்கிப்பிடித்து
நிறுத்தியது
எதிரில் வந்த
ஒரு குழந்தையின்
மென் சிரிப்பு.

by ந.கணேசன் Sat Jul 12, 2014 9:19 am

அழகான கவிதை சீனிவாசன்...

by Sponsored content

காவனூர். சீனிவாசன் கவிதைகள்

காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்

Re: காவனூர். சீனிவாசன் கவிதைகள்