ஆட்டு கால் பாயா

ஆட்டு கால் பாயா

தேவையான பொருட்கள்:
ஆட்டு கால்- 1 செட்
வெங்காயம்- 2
தக்காளி- 3
இஞ்சி பூண்டு விழுது- 2 மே.கரண்டி
காயல்கறிமசாலாத்தூள்- 3 மே.கரண்டி
மஞ்சள்த்தூள்- 1 மே.கரண்டி
தயிர்- 100மில்லி
தாளிக்க:
பட்டை, கிராம்பு, ஏலக்காய், பிரிஜ்ஜி இலை அ ரம்ப இலை - தலா 1
கறிவேப்பிலை- ஒரு கொத்து
பச்சை மிளகாய்- 1 – 2
உப்பு- தேவைக்கு
நெய்- 50 மில்லி
தேங்காய் எண்ணெய்- 2-3 மே.கரண்டி
Method
Step 1
முதலில் ஆட்டுகாலை நன்றாக தண்ணீர் விட்டு சுத்தம் செய்து குக்கரில் 1-2 டம்ளர் தண்ணீர் ஊற்றி நன்றாக 5 -6 வீசில் வேக வைக்கவும். (முரட்டு காலாக இருந்தால் கொஞ்சம் வினிகர் ஊற்றி வேக வைக்கவும்) இதனை தண்ணீருடன் ஒரு கிண்ணத்தில் எடுத்து வைக்கவும்.
Step 2
வெங்காயம், பச்சை மிளகாய் , தக்காளியினை, நீட்டமாக நறுக்கி வைக்கவும்.
Step 3
குக்கரில் நெய் , எண்ணெய் ஊற்றி காய்ந்த பின்பு தாளிப்பு பொருட்களை போடவும்.
Step 4
பிறகு நறுக்கிய வெங்காயம் போட்டு நன்றாக நிறம் மாறும் வரை வதக்கவும். நன்றாக வதங்கிய பிறகு இஞ்சி பூண்டு பேஸ்ட் , கறிவேப்பிலை, பச்சை மிளகாய் போட்டு வதக்கவும்.
Step 5
சிம்மிலே வதக்கவும். இஞ்சி பூண்டு பச்சை வாசை போட பின்பு நறுக்கிய தக்காளி போட்டு மீண்டும் சிம்மிலே வதக்கவும்.
Step 6
இதில் மஞ்சள்த்தூள், காயல் கறிமசாலாத்தூள், தயிர் போட்டு நன்றாக கிளறி விடவும். பிறகு எடுத்து வைத்த வேக வைத்த கால் மற்றும் தண்ணீர்ருடன் சேர்த்து தேவைக்கு உப்பு போட்டு கிண்டி விடவும். 10 நிமிடங்கள் சிம்மில் வைத்து இறக்கவும். சுவையான ஆட்டுகால் பாயா ரெடி. சப்பாத்தி, ஆப்பம், இடியப்பத்துடன் சாப்பிட சுவையாக இருக்கும்.
பி.கு:
ஆட்டு கால் இன்னும் கொஞ்சம் வேக வேண்டும் என்று நினைத்தால் குக்கரை மூடி போட்டு 1-2 வீசில் வேக வைக்கவும்.
பாயா கொஞ்சம் அதிகம் வேண்டும் என்று நினைப்பவர்கள் தேங்காய் பால் அல்லது தண்ணீர் சேர்த்து வேக வைக்கலாம்.
நன்றி kayalsamayal.com