காயமிருக்க கவலை ஏன்?

by முழுமுதலோன் Wed Jul 16, 2014 10:41 am

மார்பில் சளி அடைத்து மூச்சிரைப்பு திணறலும் ஏற்பட்டு அவதிப்படுவோர் மிளகு, துளசி இலைகள், பெருங்காயம் மூன்றையும் சம அளவில் தண்ணீரில் போட்டு கஷாயமாகக் காய்ச்சிக் குடித்தால் சளித்தொல்லை கட்டுக்குள் வரும்.

பாதங்களில் ஏற்படும் பித்த வெடிப்புகள் குணமாக மஞ்சளுடன் பெருங்காயத்தை அரைத்து வெடிப்புகளில் பூசி வர, சில நாள்களில் குணமாகும்.

பெருங்காயம், சுக்கு இரண்டையும் சம அளவு எடுத்துப் பொடியாக்கி தண்ணீர்விட்டு மையாக அரைத்து வாணலியில் போட்டுச் சூடாக்கி, இளஞ்சூடாக இருக்கும்போதே மூட்டு வலி உள்ள இடங்களில் தடவி வர, மூட்டுவலி வெகுவாகக் குறையும்.

ஒரு டம்ளர் தண்ணீரில் ஒரு தேக்கரண்டி தேன், எண்ணெயில் வறுத்த பெருங்காயப்பொடி ஒரு சிட்டிகை ஆகியவற்றை போட்டுக் கலக்கி காலையில் தூங்கி எழுந்ததும் வெறும் வயிற்றில் குடித்து வர, உடலில் உள்ள கெட்ட கொழுப்புகள் கரைந்து உடல் கச்சிதமாகும்.

வாயுத் தொல்லையா? ஒரு டம்ளர் மோரில் ஒரு சிட்டிகை பெருங்காயம், உப்பு கலந்து குடித்தால் வாயுத்தொல்லை காணாமல் போகும்.

வயிறு மந்தம் தட்டி, இயல்பான பசியில்லாமல் செரிமானக் கோளாறால் அவதிப்படுவோருக்கு பெருங்காயம் நல்ல மருந்து. பெருங்காயத்தூளை எண்ணெயில் வறுத்து அதை எலுமிச்சை இலைகளுடன் கலந்து விழுதாக அரைத்து உணவில் சேர்த்துச் சாப்பிட்டால் செரிமானம் சரியாகும்; நன்கு பசி எடுக்கும்.

dinamani