வெந்தயக் கீரை வடை

by mohaideen Wed Jul 16, 2014 1:58 pm

தேவையானவை:
வெந்தயக் கீரை - 200 கிராம்
கோதுமை மாவு - 100 கிராம்
கடலை மாவு - 50 கிராம்
பச்சை மிளகாய் - 10
கொத்துமல்லி, கறிவேப்பிலை - ஒரு கைப்பிடியளவு
ரவை - 50 கிராம்
எண்ணெய், உப்பு - தேவையான அளவு
செய்முறை:
வெந்தயக் கீரை, கோதுமை மாவு, கடலை மாவு, எண்ணெய், விழுதாக அரைத்த பச்சை மிளகாய், கொத்துமல்லி, கறிவேப்பிலை எல்லாவற்றையும் சேர்த்துப் பிசைந்து உருண்டையாக உருட்ட வேண்டும். இட்லியை வேக வைப்பதைப் போல அரை மணி நேரம் ஆவியில் வேக வைக்க வேண்டும். வெந்ததை ஆற வைக்க வேண்டும். இளஞ்சூடாக இருக்கும்போது கொஞ்சம் ரவையில் புரட்டி எடுத்து வைத்துக் கொள்ள வேண்டும். கூரான கத்தியால் அரை அங்குல பருமனான துண்டுகளாக வெட்டிக் கொள்ள வேண்டும். சூடான எண்ணெயில் இந்தத் துண்டுகளைப் போட்டுப் பொரித்தால் சுவையான வெந்தயக்கீரை வடை ரெடி.

http://www.dinamani.com/weekly_supplements/sunday_kondattam/article1464986.ece