மன்னித்தலும் மறத்தலும்

by முழுமுதலோன் Thu Jul 17, 2014 10:58 am

மறப்பது என்பது இறைவன் மனிதனுக்குத் தந்த அரிய வரப்பிரசாதமாகும். மறக்கத் தெரியாமல் அனைத்தையுமே நினைவில் வைத்து ஒருவன் நிம்மதியாக வாழ முடியுமோ? வாழ்வின் சோகங்கள், வலிகள், ஏமாற்றங்கள், எரிச்சல்கள் இவற்றை மறக்க முடிவதால் அல்லவா நிம்மதி கிடைக்கிறது. இதை ஒரு படி கூட்டி நமக்குத் தீங்கிழைத்தவர்களின் செயலை மறந்து அவர்களை மன்னிப்பது தெய்வீக குணமாகும்.

வெற்றி உத்திகளைப் பயின்று அதைப் பயன்படுத்துவோர் வெற்றி காண்பது உறுதி.

குறிக்கோளை அடைந்து வெற்றி கண்டு புகழேணியின் உச்சிக்கு ஏறிக்கொண்டிருப்பவர் கடைசியாக விடாமல் கடைப்பிடிக்க வேண்டிய ஒன்று - தங்க விதியாகும்.

தங்க விதி

தங்க விதி என்றால் என்ன? “மற்றவர்கள் உனக்கு என்ன செய்ய வேண்டும் என்று நீ விரும்புகிறாயோ, அதை மற்றவர்களுக்கு முதலில் நீ செய். மற்றவர்கள் உனக்கு என்ன செய்யக் கூடாது என்று நீ விரும்புகிறாயோ, அதை மற்றவர்களுக்கு ஒருபோதும் நீ செய்யாதே!” - இதுவே தங்க விதி (Golden Rule) ஆகும்.

"ஊரான் பிள்ளையை ஊட்டி வளர்த்தால் தன் பிள்ளை தானே வளரும்" என்பது பழமொழி.

மற்றவர்களுக்கு நல்லதையே நினைப்பவனுக்கு நலமே விளையும் என்பதே இதன் பொருள். ஒரு சமயம் தன் சீடர்களுடன் இயேசுநாதர் செல்லுகையில் வழியில் செத்துக் கிடந்த நாய் ஒன்றின் உடலிலிருந்து வந்த துர்நாற்றத்தைச் சகிக்க முடியாத அவரின் சீடர்கள், 'ஐயோ, என்ன நாற்றம்' என்று கூறிய போது இயேசுநாதர், “அடடா, அந்த நாயின் பற்கள் எவ்வளவு வெண்மையாக உள்ளன" என்று கூறினார்.

மறப்பதும் மன்னிப்பதும்

மறப்பது என்பது இறைவன் மனிதனுக்குத் தந்த அரிய வரப்பிரசாதமாகும். மறக்கத் தெரியாமல் அனைத்தையுமே நினைவில் வைத்து ஒருவன் நிம்மதியாக வாழ முடியுமோ? வாழ்வின் சோகங்கள், வலிகள், ஏமாற்றங்கள், எரிச்சல்கள் இவற்றை மறக்க முடிவதால் அல்லவா நிம்மதி கிடைக்கிறது. இதை ஒரு படி கூட்டி நமக்குத் தீங்கிழைத்தவர்களின் செயலை மறந்து அவர்களை மன்னிப்பது தெய்வீக குணமாகும்.

"தான் செய்வது இன்னதெனத் தெரியாத இவர்களை மன்னியும்" என்று பாவிகளுக்காக மன்னிப்புக் கேட்ட இயேசுவின் குணமே தெய்வீக குணமாகும்.

மன்னிப்பு ஒரு பெரிய மாறுதலை, அற்புதத்தை எதிராளியிடம் விளைவிக்கிறது.

லிங்கனின் எதிரிகள்

லிங்கனிடம் உங்களின் எதிரிகளை ஏன் நீங்கள் அழிக்கவில்லை என்று கேட்டபோது அவர், ”எனது எதிரிகளை நண்பர்களாக ஆக்கிக் கொள்ளும்போது, அவர்களை நான் அழிக்கவில்லையா.. என்ன?” என்று கேட்டார்.

வெறுப்பே மரணம், மன்னிப்பே வாழ்வு. மன்னிப்பது இரு வழிகளில் உதவுகிறது. நீங்கள் பிறரை மன்னித்தால், நீங்கள் மன்னிப்புப் பெறத் தகுதி உடையவராக ஆகி விடுகிறீர்கள்.

எட்வர்ட் ஹெர்பர்ட் என்னும் பேரறிஞர், 'மற்றவரை மன்னிக்கும் குணமில்லாத மனிதன், தான் கடக்க வேண்டிய பாலத்தைத் தானே அழிப்பவனுக்கு ஒப்பாகிறான். ஏனெனில் ஒவ்வொரு மனிதனும் ஏதோ ஒரு நேரத்தில் மன்னிப்புக்கு ஆளாக வேண்டியவனே" என்கிறார்.

மன்னிப்பது வாழ்க்கையின் இயல்பான பழக்கமாக ஆக வேண்டும்

muganool