பைசா வாங்காமல் நட்புக்காக நடித்த ஆர்யா

by நாஞ்சில் குமார் Thu Jul 17, 2014 10:55 pm

விஜய் சேதுபதி, ஆர்யா. இந்த இருவரையும் பற்றி தினம் பத்துப் பக்கங்கள் எழுதலாம். அவ்வளவு செய்கிறார்கள் இருவரும்.
ஸ்ரீகாந்த் நம்பியார் படத்தின் மூலம் தயாரிப்பாளராகவும் ஆகியிருக்கிறார் அல்லவா. படத்தின் சந்தை மதிப்பை அதிகரிப்பதற்காக கெஸ்ட் ரோலில் நடிக்க ஆர்யாவிடம் கேட்டிருக்கிறார். இருவரும் சினிமாவுக்கு வருவதற்கு முன்பே நண்பர்களாம்.
ஸ்ரீகாந்த் கேட்டதும் தாமதிக்காமல் சம்மதித்தவர் சொன்னபடி நடித்தும் தந்துள்ளார். படத்தில் ஆர்யாவின் கேரக்டர் பெயர் பாஸ். பாஸ் என்கிற பாஸ்கரனை நினைவுப்படுத்துகிற கேரக்டராம். இந்த கெஸ்ட் ரோலுக்கு ஸ்ரீகாந்த் எவ்வளவு வேண்டும் என்று கேட்க, என்ன மச்சான் அப்படி கேட்டுட்ட... நட்புக்கு நடுவில் ஏது பணம் என்று நயா பைசா வாங்கவில்லையாம் ஆர்யா. சொல்லி நெகிழ்கிறார் ஸ்ரீகாந்த்.

படத்தில் ஆர்யா மட்டுமில்லை இசையமைப்பாளர் விஜய் ஆண்டனியும் ஒரு காட்சியில் வருகிறார். இவரது இசையில் சந்தானம் இந்தப் படத்துக்காக ஒரு பாடல் பாடியுள்ளார். அந்தப் பாடல் காட்சியில் விஜய் ஆண்டனியும் திரையில் தோன்றுவாராம்.

அத்துடன் பில்லா 2 நாயகி பார்வதி ஓமனகுட்டனும் ஒரு சின்ன கதாபாத்திரத்தில் நடித்துள்ளார்.

கெஸ்ட் ரோலே பெரிய லிஸ்ட்டாக இருக்கும் போலிருக்கே.

நன்றி: வெப்துனியா