ரேஷனில் அனைத்துப் பொருள்களையும் மொத்தமாக வாங்க கட்டாயப்படுத்தக் கூடாது: தமிழக அரசு உத்தரவு.

நியாய விலைக்கடைகளில் அனைத்துப் பொருள்களையும் மொத்தமாக வாங்க கட்டாயப்படுத்தக் கூடாது என்று கடையின் விற்பனையாளர்களை தமிழக அரசு அறிவுறுத்தியுள்ளது. இது குறித்த அறிவுறுத்தல்களை கூட்டுறவுத் துறை அமைச்சர் செல்லூர் கே.ராஜூ வழங்கியுள்ளார்.

சென்னை பாடி சிந்தாமணி நியாய விலைக் கடையில் பொது மக்களுக்கு சரியான முறையில் பொருள்கள் வழங்கப்படவில்லை என்று புகார் தெரிவிக்கப்பட்டது. இதைத் தொடர்ந்து, அங்கு அவர் புதன்கிழமை ஆய்வு நடத்தினார். அப்போது, கடையின் விற்பனையாளர் ஆர்.செல்வராஜை, பணியிடை நீக்கம் செய்து உத்தரவிட்டார். இதன்பின், அவர் கூறியது:

குடும்ப அட்டைதாரர்களின் விருப்பத்தின் பேரிலும், அவர்களின் தேவையின் அடிப்படையிலும் மட்டுமே பொருள்களை விநியோகம் செய்ய வேண்டும்.

அவர்கள் கேட்கும் பொருள்களை உடனுக்குடன் வழங்க வேண்டும். அனைத்துப் பொருள்களையும் ஒட்டுமொத்தமாக வாங்க வேண்டும் என்று அவர்களை கட்டாயப்படுத்தக் கூடாது.

அத்தியாவசியப் பொருள்கள், சலுகைகள் உரிய நேரத்தில் தங்கு தடையின்றி வழங்கப்பட வேண்டும். அதில் முறைகேடுகள் ஏற்படாத வகையில் பார்த்துக் கொள்ள வேண்டும் என்று அமைச்சர் செல்லூர் ராஜூ கேட்டுக் கொண்டார்.

எல்லாத்தையும் அப்படியே போட்டுட்டாலும்

ரானுஜா wrote:எல்லாத்தையும் அப்படியே போட்டுட்டாலும்

உண்மைதான் அக்கா