சுற்றுலா பயணிகளால் இயற்கைக்கு ஏற்படும் ஆபத்து!

by mohaideen Mon Sep 01, 2014 1:09 pm

"மாஸ்டர் நெக்ஸ்ட், ரெஸ்ட்" என்ற நகைச்சுவையை சொற்றொடரை நாம் அறிந்ததே. ஆனால் இந்த ரெஸ்ட்டினால் நாம் செய்யும் தீமைகள் எவ்வளவு இருக்கின்றன தெரியுமா?

சுற்றுலா பயணிகளால் இயற்கைக்கு ஏற்படும் ஆபத்து! River%20thirupur%204

நாள் முழுவதும் இயந்திரத்தை விட பன்மடங்கு உழைத்த, உழைக்கும் மனிதர்கள் சில நாட்கள் தன் குடும்பத்துடன் மகிழ்ச்சியாக கொண்டாட வெளியூர்களுக்கு சுற்றுலா செல்கின்றனர். சுற்றுலா செல்வதென்றால் குழந்தைகள் முதல் பெரியவர் வரை அனைவருக்கும் சந்தோஷத்தை ஏற்படுத்தும்.
நாம் எவ்வளவுதான் செயற்கை வண்ணங்களையும், அழகையும் ஏற்படுத்தினாலும் இயற்கைக்கு என்றுமே நிகராது. இந்த இயற்கை காட்சிகளுக்கு (மலை பிரதேசங்கள், அணைகள், அருவிகள்) அருகில் ரெஸ்டிரேஷன் அமைக்கப்பட்டுள்ளது. இது சுற்றுலா வருபவர்களின் மனதுக்கும், உடலுக்கும் ஆரோக்கியத்தையும், அமைதியையும் தருகிறது.

சுற்றுலா பயணிகளால் இயற்கைக்கு ஏற்படும் ஆபத்து! Weste%20patil%20

கோவை மாவட்டம், வால்பாறையில் இருந்து 80 கிலோ மீட்டர் தொலைவில் அதரபள்ளி அருவி உள்ளது. இந்த அருவியின் அருகில் ரெஸ்டிரேஷன்கள் அமைக்கப்பட்டுள்ளது. கேரள மாநிலம் திருச்சூர் அருகே இந்த அருவி அமைந்துள்ளது.

ஆனால், இங்கு வருபவர்களோ தம்மையும், தமது குடும்பம், தமது சமுதாயத்தை மறக்கடிக்க வைக்கும் "தண்ணித் தொட்டி தேடி வந்த கன்னுக்குட்டி நா" என்ற பாடலுக்கேற்ப தன்னுடன் ஆல்கஹால் பாட்டிலை இயற்கையின் அழகோடு, செயற்கையின் அழுக்கையும் பருகுகின்றனர்.

சுற்றுலா பயணிகளால் இயற்கைக்கு ஏற்படும் ஆபத்து! Weste%20patil%201

அதுமட்டுமா, சுற்றுலாவில் உணவு மற்றும் நொறுக்குத் தீனிகளை அங்கு உள்ள கடைகளில் வாங்கி உண்டு விட்டு அந்த பாலித்தீன் கவர்களை அங்கேயே போட்டு விட்டு வருகின்றனர். அதனால் விலங்குகள் அந்த கவர்களை தின்று விட்டு பல குடல் வியாதிகளுக்கு உள்ளாகின்றன. குப்பைத் தொட்டியில் போட்டால் அவமானம், நாகரீகம் இல்லாமை, முட்டாள்தனம் என்று சில மேதாவிகள் நினைத்துக் கொள்கின்றனர்.

சுற்றுலா பயணிகளால் இயற்கைக்கு ஏற்படும் ஆபத்து! Weste%20patil%202

மதுவை அருந்த மாட்டோம், பிளாஸ்டிக்கை உபயோகப்படுத்த மாட்டோம் என்ற வாயால் சொல்லிவிட்டு "நேத்து சொன்னது காத்தோட போச்சு" என்று திரும்ப திரும்ப இவற்றை செய்யும் நண்பர்களே இனியாவது திருந்துவார்களா?

இயற்கையையும், விலங்குகளையையும் சார்ந்து தான் நாம் வாழ வேண்டியுள்ளது, அவை நம்மைச் சார்ந்து வாழ்வதில்லை என்பதை நாம் என்றும் நினைவில் வைத்துக் கொள்ள வேண்டும்.

செய்தி, படங்கள்: மு.ரமேஷ் (மாணவ பத்திரிகையாளர்)

விகடன்