தாய்ப்பால் சந்தேகங்களுக்கு டக் டக் தீர்வு!

ஒரு குழந்தையின் ஆயுளைப் பாதுகாக்க செலவே இல்லாத மிகச்சிறந்த வழி தாய்ப்பால் கொடுப்பது!’ - இதைத் திரும்பத் திரும்ப வலியுறுத்துகிறது ‘யூனிசெஃப்’ (United Nations Children’s Fund)   அமைப்பு. ‘குறைந்தபட்சம் முதல்  6 மாதங்களுக்காவது குழந்தைக்குத் தாய்ப்பால் கொடுக்க வேண்டும்’ என அழுத்தம் திருத்தமாகச் சொல்கிறார்கள் மருத்துவர்கள். காரணம், குழந்தையின் எதிர்கால ஆரோக்கியத்துக்கும் ஆயுளுக்கும் பாதுகாப்புக் கவசமாக தாய்ப்பால் இருப்பதுதான். இத்தனை முக்கியத்துவம் பெற்றதாக இருந்தாலும், இன்றைய இளம் தாய்மார்களுக்கு தாய்ப்பால் புகட்டுவதில் ஏற்படும் சந்தேகங்களும் பிரச்னைகளும் நிறைய... அவஸ்தைப்படும் தாய்மார்களுக்கு இணையத்தின் மூலமாக ஆலோசனை வழங்குகிறது சென்னை மயிலாப்பூரில் இருக்கும் ‘மதர்ஸ் அண்ட் இன்ஃபேன்ட்ஸ் லேக்டேஷன் அண்ட் பிரெஸ்ட்ஃபீடிங் கேர் சென்டர் (விமிலிசி).

இந்த மருத்துவமனையில் இருக்கும் மருத்துவ ஆலோசகர்கள் (Lactation Consultants), மின்னஞ்சல், தொலைபேசி, வீடியோ  கால் மூலமாக உதவி தேவைப்படும் தாய்மார்களுக்கு ஆலோசனை வழங்குகிறார்கள். புதிதாகக் குழந்தை பெற்ற தாய்மார்களுக்கு, குழந்தைகளை  கையாளும், பால் புகட்டும் வழிமுறைகளை சொல்லிக் கொடுக்கிறார்கள்.  ‘‘குழந்தைக்கு தாய்ப்பால் கொடுப்பது மிகமிக அவசியம்தான். இருந்தாலும் பல தாய்மார்களுக்கு அது ஈசியா இருக்கறதில்லை.  தாய்ப்பால் கொடுக்கறதுக்கும் சில முறைகள் இருக்கு. பிரசவம் முடிஞ்ச களைப்போட இருந்தாலுமே சில வாரங்களுக்காவது ஒவ்வொரு 2 மணி நேரத்துக்கும் ஒரு  தடவை குழந்தையை மார்பகத்துக்கிட்டே கொண்டு போகணும்... பால் குடிக்க வைக்கணும்.

அப்பத்தான் குழந்தை பால் குடிக்கப் பழகும்... இப்படி  பல விஷயங்களை நாங்கள் எங்கள் கவுன்சலிங்கில் தெளிவுபடுத்தறோம்’’ என்கிறார் இந்த மையத்தை நடத்தி வரும் டாக்டர் சுப்ரமணியன். இவர்  ‘ஸ்ம்ரிதி’ என்ற குழந்தைகளுக்கான கிளினிக் ஒன்றையும் நிர்வகிக்கிறார்.

இந்த யோசனை எப்படி வந்தது?

‘‘எங்களோட ஸ்ம்ரிதி கிளினிக்கை ஒரு வெப் கிளினிக்கா உருவாக்க முயற்சி செய்தோம். வெப் கிளினிக்னா தேவையில்லாம பேஷன்ட்ஸ் எங்களைத் தேடி வர வேண்டியிருக்காது. சந்தேகங்களை ஆன்லைன்லயே தீர்த்துக்கலாம். அப்போதான் தாய்ப்பால் புகட்டுவது தொடர்பான சந்தேகங்கள், வி ளக்கங்களையும் இதுல சேர்க்கலாம்னு எங்களுக்குத் தோணிச்சு... சேத்துட்டோம்!’’

எப்படித் தொடர்பு கொள்வது?

www.smrthipediatriccare.com இந்த இணையதளத்துக்கு வந்து யார் வேண்டுமானாலும் கேள்விகளையும் சந்தேகங்களையும் கேட்கலாம். info@smrthipediatriccare.com   என்ற மின்னஞ்சலுக்கும் பிரச்னை என்னன்னு எழுதி அனுப்பலாம். மெயில்லயே பதில்  தர முடியற கேள்விகளுக்கு உடனே விடை சொல்லிடுவோம். நேர்ல ஆலோசனை சொல்ல வேண்டியவங்களுக்கு வரச் சொல்லி விளக்குவோம்.  போன்லயும் (( 044-24992737)ஆலோசனை சொல்றோம்...’’

ஆலோசனை கட்டணம்?

‘‘சிலர் போன்லயும் மெயில்லயும் எடுத்துச் சொன்னாலே புரிஞ்சுப்பாங்க.  அவங்களுக்கு எந்த ஃபீஸும் இல்லை. சிலர் நேர்ல வந்துதான் ஆகணும்.  200 ரூபாய் கட்டணம். சிகிச்சைக்கேற்ப இது கொஞ்சம் கூடலாம். குழந்தையை எப்படிப் பிடிச்சு தூக்கணுங்கறது தொடங்கி, சிலருக்கு சொல்லிக்  கொடுக்க வேண்டி இருக்கு.  வீடியோ எடுத்து எம்.எம்.எஸ். அனுப்பறவங்க எங்க கிளினிக்ல இருக்கற ஒரு பெண் மருத்துவரோட பெர்சனல் நம்ப ருக்கு வீடியோ கிளிப்பை அனுப்பலாம். அவங்க பாத்துட்டு ஆலோசனை சொல்லுவாங்க...’’ டாக்டர் சுப்ரமணியன் இன்னொன்றையும் வெகு அழுத்தமாகச் சொல்கிறார்... ‘‘தாய்மார்களுக்கு ஆலோசனை செய்யும் இந்தப் பணியை நாங்கள்  கமர்ஷியலா செய்யலை. ஒரு சேவையாகத்தான் நினைச்சு பண்றோம்...’’

நன்றி: தினகரன்

நல்ல கருத்து

தாய்பால் கொடுக்கறதுக்குகூட தயங்கிற பெண்களை நினைக்கும்போது