நவராத்திரி ஸ்பெஷல் பிரசாதங்கள்! - தினகரன் ஸ்பெஷல்

1.வெள்ளை கொண்டைக்கடலை சுண்டல்

என்னென்ன தேவை?

முளைகட்டிய வெள்ளை கொண்டைக்கடலை-ஒரு கப்,
காய்ந்த மிளகாய்-3, கடுகு,
உளுத்தம் பருப்பு, பெருங்காயத்தூள்-தலா கால் டீஸ்பூன்,
கறிவேப்பில்லை-சிறிதளவு,
தேங்காய் துருவல்-4 டிஸ்பூன்,
எண்ணெய்-2 டீஸ்பூன்,
உப்பு-தேவையான அளவு.

எப்படி செய்வது?

முளைகட்டிய கொண்டைக்கடலையை குக்கரில் 4-5 விசில் வரும் வரை வேகவிடவும். வாணலியில் எண்ணெயை சூடாக்கி... கடுகு, உளுத்தம்பருப்பு,  கறிவேப்பில்லை, காய்ந்த மிளகாய், பெருங்காயத்தூள் சேர்த்து தாளிக்கவும். அதில் வெந்த கடலை, தேவையான உப்பு போட்டு கிளறவும்.  இறக்குவதற்கு முன் தேங்காய் துருவல் சேர்த்துக் கிளறவும். சத்தான சுண்டல் ரெடி!

குறிப்பு: கடலையை வேக வைத்த தண்ணரை கீழே கொட்டாமல்,புளி ஊற வைக்க, குழம்பில் ஊற்ற, சப்பாத்தி மாவு பிசைய பயன்படுத்தலாம்.

2. காராமணி இனிப்பு சுண்டல்

என்னென்ன தேவை?

வெள்ளை காராமணி-ஒரு கப்,
வெல்லம்-அரை கப்,
நெய்-2 டீஸ்பூன்,
ஏலக்காய்த்தூள்- கால் டீஸ்பூன்,
தேங்காய்
துருவல்-3 டேபிள்ஸ்பூன்.

எப்படி செய்வது?

வெள்ளை காராமணியை 6 மணி நேரம் ஊறவிட்டு, வேகவிட்டு எடுக்கவும். வெல்லத்தைக் கரைத்து, வடிகட்டி கெட்டிப்பாகு காய்ச்சவும். வாணலியில்  நெய்யை சூடாக்கி, காராமணியை சேர்க்கவும். கூடவே, காய்ச்சிய வெல்லப்பாகு, ஏலக்காய்த்தூள் சேர்த்துக் கிளறவும். இறக்குவதற்கு முன் தேங்காய்  துருவல் தூவி இறக்கவும்.குழந்தைகளுக்கு மிகவும் பிடித்தமான சுண்டல் இது.

3. கொள்ளு சுண்டல்

என்னென்ன தேவை?

துளைகட்டிய கொள்ளு-ஒரு கப்,
காய்ந்த மிளகாய்-2,
கடுகு, உளுத்தம்பருப்பு, சீரகம்-தலா அரை டீஸ்பூன்,
பெருங்காயத்தூள்-அரை டீஸ்பூன்,
கறிவேப்பில்லை- சிறிதளவு,
தேங்காய் துருவல்-2 டேபிள்ஸ்பூன்,
எண்ணெய், உப்பு- தேவையான அளவு.

எப்படி செய்வது?

முளைகட்டிய கொள்ளுவை குக்கரில் வேகவிடவும். வாணலியில் எண்ணெயை சூடாக்கி, கடுகு, உளுத்தம்பருப்பு, சீரகம், கறிவேப்பில்லை, காய்ந்த  மிளகாய், இஞ்சித் துருவல்,பெருங்காயத்தூள் சேர்த்து தாளிக்கவும். இதனுடன் வெந்த கொள்ளு, உப்பு சேர்த்துக் கிளறவும். தேங்காய் துருவல் தூவி  இறக்கவும்.

4.பாசிப்பருப்பு  சுண்டல்

என்னென்ன தேவை?

பாசிப்பருப்பு-ஒரு கப்,
பச்சை மிளகாய்-2,
இஞ்சித் துருவல்-ஒரு டீஸ்பூன்,
கடுகு, உளுத்தம்பருப்பு, பெருங்காயத்தூள் தலா கால் டீஸ்பூன்,
கறிவேப்பில்லை-சிறிதளவு,
தேங்காய் துருவல்-2 டேபிள்ஸ்பூன்,
எண்ணெய், உப்பு-தேவையான அளவு.

எப்படி செய்வது?

பாசிப்பருப்பை வெறும் வாணலியில் வாசனை வரும் வரை வறுத்து, ஒரு மணி நேரம் ஊறவிடவும். பின் அதை மலர வேகவிடவும். வாணலியில்  எண்ணெய் சூடாக்கி.. கடுகு, உளுத்தம்பருப்பு,கீறிய பச்ச மிளகாய், கறிவேப்பில்லை,இஞ்சித்துருவல், பெருங்காயத்தூள் தாளித்து, வேக வைத்த பருப்பு,  உப்பு சேர்த்துப் கிளறவும். தேங்காய் துருவல் சேர்த்து கிளறி இறக்கினால், சுவையான பாசிப்பருப்பு சுண்டல் ரெடி.

4.பாசிப்பருப்பு  சுண்டல்

என்னென்ன தேவை?

பாசிப்பருப்பு-ஒரு கப்,
பச்சை மிளகாய்-2,
இஞ்சித் துருவல்-ஒரு டீஸ்பூன்,
கடுகு, உளுத்தம்பருப்பு, பெருங்காயத்தூள் தலா கால் டீஸ்பூன்,
கறிவேப்பில்லை-சிறிதளவு,
தேங்காய் துருவல்-2 டேபிள்ஸ்பூன்,
எண்ணெய், உப்பு-தேவையான அளவு.

எப்படி செய்வது?

பாசிப்பருப்பை வெறும் வாணலியில் வாசனை வரும் வரை வறுத்து, ஒரு மணி நேரம் ஊறவிடவும். பின் அதை மலர வேகவிடவும். வாணலியில்  எண்ணெய் சூடாக்கி.. கடுகு, உளுத்தம்பருப்பு,கீறிய பச்ச மிளகாய், கறிவேப்பில்லை,இஞ்சித்துருவல், பெருங்காயத்தூள் தாளித்து, வேக வைத்த பருப்பு,  உப்பு சேர்த்துப் கிளறவும். தேங்காய் துருவல் சேர்த்து கிளறி இறக்கினால், சுவையான பாசிப்பருப்பு சுண்டல் ரெடி.

5. பூம் பருப்பு சுண்டல்

என்னென்ன தேவை?

கடலைப்பருப்பு- ஒரு கப்,
கீறிய பச்சை மிளகாய்-ஒன்று,
காய்ந்த மிளகாய்-2,
இஞ்சித் துருவல்-அரை டீஸ்பூன்,
மஞ்சள்தூள்- கால் டீஸ்பூன்,
கொத்தமல்லி-சிறிதளவு,
தேங்காய் துருவல்-3 டேபிள்ஸ்பூன்,
கடுகு, உளுத்தம்பருப்பு, சீரகம்-கால் டீஸ்பூன்,
எண்ணெய், உப்பு-தேவையான அளவு.

எப்படி செய்வது?

கடலைப்பருப்பை மஞ்சள்தூள் சேர்த்து குக்கரில் வேக வைத்து எடுக்கவும். வாணலியில் எண்ணெயை சூடாக்கி கடுகு, உளுத்தம்பருப்பு, சீரகம், பெருங்காயத்தூள், கறிவேப்பில்லை, காய்ந்த மிளகாய், பச்சை மிளகாய், இஞ்சித் துருவல் தாளித்து, வேக வைத்த பருப்பு, உப்பு சேர்த்துக் கிளறவும். தேங்காய் துருவல், நறுக்கிய கொத்தமல்லி சேர்த்துக் கிளறி இறக்கினால், பூம்பருப்பு சுண்டல் தயார்.

6. பட்டாணி மசாலா சுண்டல்

என்னென்ன தேவை?

காய்ந்த பட்டாணி-ஒரு கப்,
இஞ்சி-பூண்டு விழுது-ஒரு டீஸ்பூன்,
புதினா, கொத்தமல்லி-சிறிதளவு,
சீரகம்- கால் டீஸ்பூன், எண்ணெய்,உப்பு-தேவையான அளவு.

வறுத்துப் பொடிக்க:

காய்ந்த மிளகாய்-3,
பட்டை-சிறிய துண்டு,
ஏலக்காய், கிராம்பு- தலா ஒன்று,
சோம்பு- கால் டீஸ்பூன்.

எப்படி செய்வது?

காய்ந்த படடாணியை 8 மணி நேரம் ஊறவிடவும். பிறகு,குக்கரில் போட்டு வேக வைக்கவும். பொடிக்க வேண்டியவற்றை வெறும் வாணலியில் வறுத்துப் பொடிக்கவும். வாணலயில்எண்ணெயை சூடாக்கி, சீரகம், தாளித்து ..... புதினா, கொத்தமல்லி, இஞ்சி-பூண்டு விழுது சேர்த்து வதக்கவும். இதனுடன் வெந்த பட்டாணி, உப்பு, வறுத்துப் பொடித்த பொடி சேர்த்து நன்கு கிளறவும். கொஞ்சம் நீர் தெளித்துக் கிளறி( விருப்பப்பட்டால் தேங்காய் துருவல் தூவி) இறக்கவும்.

7.நவதானிய சுண்டல்

என்னென்ன தேவை?

வெள்ளை கொண்டக்கடலை, கறுப்பு கொண்டக்கடலை,
காராமணி, பாசிப்பயிறு, கொள்ளு, மொச்சை,
சிவப்பு சோயா, ராஜ்மா, காய்ந்த பட்டாணி-தலா 4 டேபிள்ஸ்பூன்,
கறிவேப்பில்லை- சிறிதளவு,
எண்ணெய், உப்பு-தேவையான அளவு.

அரைக்க:

தேங்காய் துருவல்-2 டேபிள்ஸ்பூன்,
காய்ந்த மிளகாய்-4,
சோம்பு-கால் டீஸ்பூன்,
பட்டை-சிறிய துண்டு,
இஞ்சி-சிறிய துண்டு.

எப்படி செய்வது?

முளைகட்டிய தானியங்களை ஒன்றாக வேகவிட்டு எடுக்கவும். அரைக்கக் கொடுக்கப்பட்டுள்ளவற்றை அரைத்துக் கொள்ளவும். எண்ணெயை சூடாக்கி, கடுகு, உளுத்தம்பருப்பு, கறிவேப்பில்லை தாளிக்கவும். வெந்த தானியம், உப்பு சேர்த்துக் கிளறவும். பிறகு, அரைத்த விழுது சேர்த்துக் கிளறவும். பச்சை வாசனை போனதும், தேங்காய் துருவல் சேர்த்துக் கிளறி இறக்கவும்.

8. முளை கட்டிய வெந்தய சுண்டல்

என்னென்ன தேவை?

முளைகட்டிய வெந்தயம் -ஒரு கப்,
காய்ந்த மிளகாய்-2, கடுகு,
உளுத்தம்பருப்பு-தலா கால் டீஸ்பூன்,
கறிவேப்பில்லை- சிறிதளவு,
பொடித்த வெல்லம்-2 டேபிள்ஸ்பூன்,
தேங்காய் துருவல்-2 டேபிள்ஸ்பூன்,
எண்ணெய், உப்பு-தேவையான அளவு.

எப்படி செய்வது?

முளைகட்டிய வெந்தயத்தை 15 நிமிடம் ஆவியில் வேக வைக்கவும். வாணலியில் எண்ணெயை சூடாக்கி, கடுகு, உளுத்தம்பருப்பு, காய்ந்த மிளகாய், கறிவேப்பில்லை தாளிக்கவும். இதனுடன் வேக வைத்த வெந்தயம், உப்பு சேர்த்தக் கிளறவும். தேங்காய் துருவல், பொடித்த வெல்லம் தூவி இறக்கவும். சுகர் பிராப்ளம் உள்ளவர்களுக்கு ஏற்ற சுண்டல் இது.

9. ராஜ்மா கட்டா மிட்டா

என்னென்ன தேவை?

கறுப்பு ராஜ்மா-ஒரு கப்,
பச்சை மிளகாய்-2,
வெல்லம்-சிறிய துண்டு,
எலுமிச்சைச் சாறு-2 டேபிள்ஸபூன்,
தேங்காய் துருவல்-3 டேபிள்ஸ்பூன்,
கடுகு,சீரகம்-தலா கால்டீஸ்பூன்,
கறிவேப்பில்லை, நறுக்கிய கொத்தமல்லி-சிறிதளவு,
எண்ணெய், உப்பு-தேவையான அளவு.

எப்படி செய்வது?

ராஜ்மாவை 10-12 மணி நேரம் ஊற வைத்து, குக்கரில் வேக வைத்து எடுத்துக் கொள்ளவும். வாணலியில் எண்ணெயை சூடாக்கி, கடுகு, சீரகம், கறிவேப்பில்லை, கீறிய பச்சைமிளகாய் சேர்த்து தாளிக்கவும். வெந்த ராஜ்மா, உப்பு சேர்க்கவும். வெல்லத்தை சிறிது நீரில் கரைத்து, வடிகட்டி சேர்க்கவும். எல்லாம் நன்கு கலந்தவுடன் கொத்தமல்லி, தேங்காய் துருவல் சேர்த்துக் கலக்கினால்.... புளிப்பும், இனிப்பும் கலந்த மிட்டா சுண்டல் ரெடி!..

10. மிக்ஸ்டு வெஜ் சுண்டல்

என்னென்ன தேவை?

முளைகட்டிய ஏதேனும் ஒரு பயறு- ஒரு கப்,
கேரட்-ஒன்று(துருவிக் கொள்ளவும்),
வெள்ளரித் துண்டுகள்-கால் கப் ,
வேக வைத்த உருளைகிழங்கு துண்டுகள்-கால் கப்
தக்காளி-ஒன்று(பொடியாக நறுக்கிக் கொள்ளவும்) பச்சை மிளகாய் விழுது-2 டீஸ்பூன்,
சீரகத்தூள்-ஒரு டீஸ்பூன்,
கறிவேப்பில்லை-சிறிதளவு,
எண்ணெய், உப்பு- தேவையான அளவு.

எப்படி செய்வது?

முளைகட்டிய பயறை ஆவியில் வேக வைக்கவும். வாணலியில் எண்ணெயை சூடாக்கி, கறிவேப்பில்லை தாளித்து, காய்கறிகளை சேர்த்துக் கலக்கவும். இதனுடன் வேக வைத்த பயறு, உப்பு, பச்சை மிளகாய் விழுது, சீரகத்தூள் நேர்த்து நன்கு கலக்கவும். சத்துகள் மிகுந்த வெஜ் சுண்டல் ரெடி!

11. சாபுதான சுண்டல்

என்னென்ன தேவை?

ஜவ்வரிசி-ஒரு கப்,
முளை கட்டிய பச்சைப்பயறு-முக்கால் கப்,
கீறிய பச்சை மிளகாய்-2,
இஞ்சித் துருவல்-ஒரு டீஸ்பூன்,
கேரட்-ஒன்று(துருவிக் கொளவும்),
நெய்-ஒரு டீஸ்பூன்,
கொத்தமல்லி-சிறிதளவு,
உப்பு-தேவையான அளவு.

எப்படி செய்வது?

ஜவ்வரிசியை ஒரு மணி நேரம் அல்லது மிருவாதுவாகும் வரை ஊற வைக்கவும். முளைகட்டிய பயறை ஆவியில் வேக வைக்கவும். வாணலியில் நெய்யை சூடாக்கி, பச்சை மிளகாய், இஞ்சித் துருவல், ஊற வைத்த ஜவ்வரிசி, வெந்த பயறு, உப்பு சேர்த்துக் கிளறவும். துருவிய கேரட் சேர்க்கவும். கொத்தமல்லி தூவி,(விருப்பப்பட்டால்) தேங்காய் துருவல் தூவி கிளறி இறக்கவும்.

12. சிவப்பு காராமணி சுண்டல்

என்னென்ன தேவை?

முளைகட்டிய சிவப்பு காராமணி-ஒரு கப்,
மிளகாய்த்தூள்-ஒரு டீஸ்பூன், கடுகு,
உளுத்தம்பருப்பு-தலா கால்
டீஸ்பூன், கறிவேப்பில்லை-சிறிதளவு,
தேங்காய் துருவல்-2 டேபிள்ஸ்பூன்,
எண்ணெய்,உப்பு-தேவையான அளவு.

எப்படி செய்வது?

முளைகட்டிய சிவப்பு காராமணியை குக்கரில் வேக வைத்து எடுக்கவும். வாணலியில் எண்ணெயை சூடாக்கி கடுகு, உளுத்தம்பருப்பு, கறிவேப்பில்லை தாளித்து, வேக வைத்த காராமணியை சேர்க்கவும். மிளகாய்த்தூள், உப்பு சேர்த்து நன்கு கிளறவும். சிறிய தண்ணீர் தெளித்து(ஒரு ஸ்பூன் அளவு) நன்கு கலக்கவும். தேங்காய் துருவல் தூவி கிளறி இறக்கவும்.

13. சிவப்பு ராஜ்மா சுண்டல்

என்னென்ன தேவை?

சிவப்பு ராஜ்மா-ஒரு கப்,
கடுகு, சீரகம்-தலா கால் டீஸ்பூன்,
கறிவேப்பில்லை- சிறிதளவு,
தேங்காய் துருவல்- 2 டேபிள்ஸ்பூன்,
எண்ணெய்,உப்பு-தேவையான அளவு.

வறுத்துப் பொடிக்க:

காய்ந்த மிளகாய்-3,
தனியா- கால் டீஸ்பூன், சோம்பு-கால் டீஸ்பூன்,
பட்டை-சிறிய துண்டு.

எப்படி செய்வது?

ராஜ்மாவை 10-12 மணி நேரம் ஊறவிடவும். பிறகு குக்கரில் வேகவிடவும். வறுத்துப் பொடிக்க வேண்டியதை வெறும் வாணலியில் வறுத்துப் பொடிக்கவும். வாணலியில் எண்ணெயை சூடாக்கி, கடுகு, சீரகம், கறிவேப்பில்லை தாளித்து வெந்த ராஜ்மா, உப்பு சேர்த்துக் கிளறவும். இதனுடன் செய்து வைத்துள்ள பொடி, தேங்காய் துருவல் சேர்த்துக் கிளறி இறக்கவும்.

4

என்னென்ன தேவை?

காய்ந்த பட்டாணி-ஒரு கப்,
பொடியாக நறுக்கிய மாங்காய்த் துண்டுகள்-2 டீஸ்பூன்,
பச்சை மிளகாய் விழுது- ஒரு டீஸ்பூன்,
கடுகு, உளுத்தம்பருப்பு, சீரகம்-தலா கால் டீஸ்பூன்.
இஞ்சித் துருவல்-கால் டீஸ்பூன்,
பெருங்காயத்தூள்-கால் டீஸ்பூன்,
கறிவேப்பில்லை-சிறிதளவு,
தேங்காய் துருவல்-3 டேபிள்ஸ்பூன்,
உப்பு, எண்ணெய்- தேவையான அளவு.

எப்படி செய்வது?

பட்டாணியை ஊற வைத்து, வேக வைக்கவும். வாணலியில் எண்ணெயை சூடாக், கடுகு, உளுத்தம்பருப்பு, சீரகம், கறிவேப்பில்லை, பெங்காயத்தூள், பச்சை மிளகாய் விழுது, இஞ்சித் துருவல், மாங்காய்த் துண்டுகள் சேர்த்து தாளிக்கவும். வெந்த பட்டாணி, உப்பு சேர்த்து நன்கு கலக்கி, தேங்காய் துருவல் சேர்த்து இறக்கினால்...சுவையான 'பீச் சுண்டல்' தயார்!

14. பீச் சுண்டல்

என்னென்ன தேவை?

காய்ந்த பட்டாணி-ஒரு கப்,
பொடியாக நறுக்கிய மாங்காய்த் துண்டுகள்-2 டீஸ்பூன்,
பச்சை மிளகாய் விழுது- ஒரு டீஸ்பூன்,
கடுகு, உளுத்தம்பருப்பு, சீரகம்-தலா கால் டீஸ்பூன்.
இஞ்சித் துருவல்-கால் டீஸ்பூன்,
பெருங்காயத்தூள்-கால் டீஸ்பூன்,
கறிவேப்பில்லை-சிறிதளவு,
தேங்காய் துருவல்-3 டேபிள்ஸ்பூன்,
உப்பு, எண்ணெய்- தேவையான அளவு.

எப்படி செய்வது?

பட்டாணியை ஊற வைத்து, வேக வைக்கவும். வாணலியில் எண்ணெயை சூடாக், கடுகு, உளுத்தம்பருப்பு, சீரகம், கறிவேப்பில்லை, பெங்காயத்தூள், பச்சை மிளகாய் விழுது, இஞ்சித் துருவல், மாங்காய்த் துண்டுகள் சேர்த்து தாளிக்கவும். வெந்த பட்டாணி, உப்பு சேர்த்து நன்கு கலக்கி, தேங்காய் துருவல் சேர்த்து இறக்கினால்...சுவையான 'பீச் சுண்டல்' தயார்!

15. மொச்சை சுண்டல்


மொச்சை-ஒரு கப்,
காய்ந்த மிளகாய்-3,
கடுகு, உளுத்தம்பருப்பு, சீரகம், பெருங்காயத்தூள்-தலா கால் டீஸ்பூன்,
கறிவேப்பில்லை-சிறிதளவு,
தேங்காய் துருவல்-3 டேபிள்ஸ்பூன்,
எண்ணெய், உப்பு-தேவையான அளவு.

எப்படி செய்வது?

மொச்சையை முதல் நாள் இரவே ஊற வைக்கவும். மறுநாள் குக்கரில் இரவே ஊற வைக்கவும். மறுநாள் குக்கரில் போட்டு வைக்கவும். வாணலியில் எண்ணெயை சூடாக்கி, கடுகு, உளுத்தம்பருப்பு, காய்ந்த மிளகாய், சீரகம், கறிவேப்பில்லை, பெருங்காயத்தூள் தாளித்து வேக வைத்த மொச்சை, உப்பு சேர்த்துக் கிளறவும். தேங்காய் துருவல் தூவி கிளறி இறக்கவும்.

நவராத்திரி ஸ்பெஷல் அருமை