72விநாடிகளுக்குள் சிறிலங்கா மீது குற்றச்சாட்டுக்களை அடுக்கி வைத்த மேற்குலக நாடுகள்

விநாடிகளுக்குள் சிறிலங்கா மீது குற்றச்சாட்டுக்களை அடுக்கி வைத்த மேற்குலக நாடுகள்

72விநாடிகளுக்குள் சிறிலங்கா மீது குற்றச்சாட்டுக்களை அடுக்கி வைத்த மேற்குலக நாடுகள்



ஐ.நா. மனித உரிமைகள் பேரவையின் பூகோள காலக்கிரம மீளாய்வுக் கூட்டத்தொடரில்
நேற்று இலங்கை விவகாரம் ஆராயப்பட்ட போது அமெரிக்கா, இந்தியா, கனடா,
ஜேர்மனி உட்பட மேற்குலக நாடுகள் இலங்கை இனப்பிரச்சினை தீர்வுக்கும்,
போரினால் பாதிக்கப்பட்ட மக்களின் மீள்குடியேற்றத்திற்கும் உரிய நடவடிக்கை
எடுக்கவில்லை என கண்டனம் தெரிவித்த அதேவேள
ை பாகிஸ்தான், பங்களாதேஷ், ஈரான் உட்பட மத்திய கிழக்கு நாடுகள் இலங்கையின் செயற்பாடுகளுக்கு பாராட்டு தெரிவித்தன.

முக்கியமாக பிரதம நீதியரசருக்கு எதிரான குற்றப் பிரேரணை விவகாரம், 13 ஆவது
அரசமைப்புத் திருத்த விடயம், வடமாகாண சபைத் தேர்தல், மீள்குடியேற்றம்,
நல்லிணக்க ஆணைக்குழுவின் பரிந்துரைகளை நடைமுறைப்படுத்தல் ஆகிய விடயங்கள்
தொடர்பாக இந்தியா அமெரிக்கா ஆகிய நாடுகள் கடும்தொனியில் கேள்வி எழுப்பின.

ஓவ்வொரு நாட்டிற்கும் 72விநாடிகளே ஒதுக்கப்பட்டிருந்தது.

இலங்கை பற்றிய விவாதம் நேற்று பிற்பகல் ஆரம்பமானது. ஆரம்பத்தில்
சிறிலங்காவின் சார்பில் அமைச்சர் மஹிந்த சமரங்க இலங்கை அரசு மனித உரிமைகளை
மேம்படுத்த பல்வேறு நடவடிக்கைகளை எடுத்துள்ளதாகத் தெரிவித்தார்.

முன்னாள் போராளிகளுக்கு புனர்வாழ்வு அளித்தது, மீள்குடியேற்றம், கண்ணிவெடி
அகற்றல், பெண்கள் சிறுவர்களின் உரிமைகளை பாதுகாக்க நடவடிக்கை எடுத்தது என
சுமார் ஒரு மணிநேரம் தமது நாட்டின் செயற்பாட்டினை விபரித்தார்.
இதற்கு
பதிலளித்த ஐக்கிய நாடுகளின் அமெரிக்க தூதுவர் எலென் சம்பெர்லைன் மனித உரிமை
விடயங்களில் முன்னேற்றம் ஏற்பட்டிருப்பதாக பட்டியல் இடப்பட்டிருக்கிறதே
தவிர மீள்குடியேற்றம் உட்பட பல விடயங்களின் முன்னேற்றங்களை அங்கு
காணமுடியவில்லையே என தெரிவித்தார்.

நீதித்துறை மீது சிறிலங்கா
மேற்கொண்டிருக்கும் தாக்குதலை கண்டித்த அமெரிக்க தூதுவர் நீதித்துறையில்
தலையிடும் போக்கை கைவிட்டு நீதித்துறையின் சுதந்திரத்தை வலுப்படுத்தும்
நடவடிக்கைகள் மேற்கொள்ளப்படவேண்டும் என கேட்டுக்கொண்டார்.


வடக்கில் இராணுவப்பிரசன்னம் பற்றி அமெரிக்க இந்தியா மற்றும் மேற்குலக
நாடுகள் கடும் விமர்சனத்தை முன்வைத்த போது அதற்கு பதிலளித்த அமைச்சர்
சமரசிங்க இராணுவம் வடக்கில் 4652வீடுகளை கட்டிக்கொடுத்துள்ளதாக
தெரிவித்தார்.
இறுதி யுத்தத்தின் போது இராணுவம் யுத்த குற்றத்தில்
ஈடுபட்டதாக முன்வைக்கப்பட்ட குற்றச்சாட்டுக்களுக்கு பதிலளித்த சிறிலங்கா
அந்த குற்றச்சாட்டுக்களை இராணுவம் விசாரிப்பதாக தெரிவித்தது. சுமார் 50
சம்பவங்களை இந்த இராணுவ நீதிமன்றம் விசாரிக்கிறது என சிறிலங்கா தரப்பில்
தெரிவிக்கப்பட்டது.

இராணுவம் புரிந்த குற்றத்தை இராணுவமே
விசாரித்தால் அதில் பொதுமக்களுக்கு நீதி கிடைக்கும் என எதிர்பார்க்க
முடியுமா என டென்மார்க் உட்பட மேற்குலக நாடுகள் கேள்வி எழுப்பின.
ஐ.நா. மனித உரிமை பேரவையில் நடைபெறும் மீளாய்வு கூட்டத்தில் இன்றும் சிறிலங்கா தொடர்பாக உறுப்புநாடுகள் ஆராய உள்ளன.

இந்த விடயங்களை அடிப்படையாக வைத்து இந்தியா, ஸ்பெயின், பெனின் ஆகிய
நாடுகள் சிறிலங்கா நடைமுறைப்படுத்த வேண்டிய விடயங்களை அறிக்கையாக வெளியிட
உள்ளன. இந்த அறிக்கை எதிர்வரும் 5ஆம் திகதி வெளியிடப்பட உள்ளன. இந்த
அறிக்கையில் சிறிலங்கா நடைமுறைப்படுத்த வேண்டிய விடயங்கள், அதன் கால எல்லை
தொடர்பான விபரங்கள் அடங்கியிருக்கும் என எதிர்பார்க்கப்படுகிறது.

இதில் அதிகாரப்பரவலாக்கல், மீள்குடியேற்றம், வடமாகாணசபை தேர்தல் ஆகிய விடயங்கள் முக்கியமாக இடம்பெறும் என எதிர்பார்க்கப்படுகிறது.

பகிர்வுக்கு நன்றி அண்ணா.

பகிர்வுக்கு நன்றி அண்ணா

நன்றி பிரபு & உயிர்