சச்சின் சாதனையை முறியடித்த விராட்கோலி

தர்மசாலாவில் மேற்கு இந்திய தீவுகளுடன் நடந்த ஒரு நாள் போட்டியில் இந்திய விரர் விராட்கோலி சதம் அடித்ததன் மூலம் மாஸ்டர் பேட்ஸ்மேன் சச்சின் டெண்டுல்கரின் சாதனையை முறியடித்துள்ளார். இங்கிலாந்து தொடரில் சரியாக விளையாடாத கோலி மேற்கு இந்திய தீவுகளுக்கு எதிராக சிறப்பாக விளையாடி ஒரு அரை சதம் மற்றும் 4-வது ஒருநாள் போட்டியில் அபாராமாக விளையாடி 114 பந்துகளில் 127 ரன்கள் விளாசினார். இது கோலியின் 20-வது சதமாகும். இந்த 20-வது சதத்தை கோலி 133 இன்னிங்ஸ்களில் 141 போட்டிகள் எடுத்துள்ளார். இதில் சச்சின் 197 -வது இன்னிங்சில் தனது 20-வது சதத்தை பூர்த்தி செய்தார்.

மேலும் 2008-ம் ஆண்டு இந்திய அணிக்குள் இடம் பெற்ற கோலி தனது திறமைகளால் பல சாதனைகளை முறியடித்து கொண்டு வளர்ந்து வருகிறார். மேலும் 121 ரன்கள் எடுத்தால் 6 ஆயிரம் ரன்கள் எடுத்த விரர்கள் பட்டியலில் இடம் பெற்றுவிடுவார். இந்த 6 ஆயிரம் ரன்களை இலங்கைக்கு எதிரான தொடரில் அடிப்பார் என்ற எதிர்பார்ப்பு எழுந்துள்ளது.

20 சதங்கள் மூலம் அதிக சதம் விளாசிய இந்திய பேட்ஸ்மேன்களில் விராட்கோலி 3-வது இடத்தில் உள்ளார். முதலில் சச்சின் 49 சதங்களும், கங்குலி 22 சதங்களுடனும் இரண்டாவது இடத்திலும் உள்ளனர். கோலி அடித்த 20 சதங்களில் இந்தியா 18 போட்டிகளில் வெற்றி பெற்றுள்ளது குறிப்பிடத்தக்கது.

- தினகரன்