விழுப்புரம் மாவட்டத்தில் காணலாமே கல்வராயன் மலை!

[You must be registered and logged in to see this image.]

விழுப்புரம் மாவட்டத்தில் இருக்கிறது கல்வராயன் மலை. ஓங்கி உயர்ந்த பச்சை பசும் மரங்களும் ஆர்ப்பரிக்கும் அருவிகளும் விதவிதமான பறவைகளும் வன  விலங்குகளும் காணப்படும் கல்வராயன் மலையை ‘ஏழைகளின் மலைவாசஸ்தலம்’ என்கிறார்கள். மேகம், பெரியார், பண்ணியப்பாடி போன்ற நீர்வீழ்ச்சிகளைக் காண்பதும் குளிப்பதும் அற்புத அனுபவம். குளியலறை வசதிகளும் நீர்வீழ்ச்சிக்கு அருகில் செய்யப்பட்டுள்ளன. கல்வராயன் மலை செல்பவர்கள் கோமுகி அணையைப் பார்க்காமல் வரக்கூடாது. அங்கு குழந்தைகள் பூங்காவும் உள்ளது. ஆற்றின் குறுக்கே தடுப்பணை அமைக்கப்பட்டு, படகு குழாம் உருவாகியுள்ளது. ஜாலியாக படகில் பவனி வரலாம். காட்டுப் பன்றி, செந்நாய், மான், கரடி போன்ற விலங்குகளைத் தரிசிக்கும் வாய்ப்பும் கிடைக்கலாம். கல்வராயன் மலைக்கு வரும் சுற்றுலாவாசிகளின் வசதிக்கு ஏற்ப, வனத்துறையினர் விடுதிகள் அமைத்திருக்கின்றனர். முன் அனுமதி வாங்கிச் செல்ல வேண்டும். இல்லை என்றால் காலையில் சென்று, மாலையில் திரும்பலாம்!

எப்படிச் செல்வது?

விழுப்புரம் வரை ரயிலில் சென்று, அங்கிருந்து பேருந்தில் கல்வராயன் மலை செல்லலாம். கள்ளக்குறிச்சியிலிருந்து அடிக்கடி பேருந்து வசதி இருக்கிறது.  

எப்பொழுது செல்லலாம்?

ஆண்டு முழுவதும் செல்லலாம். நவம்பர் முதல் பிப்ரவரி வரை சீசன் காலம்.

எங்கே தங்குவது?

விழுப்புரத்தில் தங்கும் விடுதிகள் இருக்கின்றன. வனத்துறையினரிடம் முன் அனுமதி பெற்றால் கல்வராயன் மலையிலேயே தங்கிக்கொள்ளலாம்.

என்ன சிறப்பு?

ஜூன் மாதம் கோடை விழா நடைபெறும். மலை ஏறுபவர்களுக்காக ஆண்டு முழுவதும் நிகழ்ச்சிகள் ஏற்பாடு செய்யப்பட்டு வருகின்றன.

அருகில் உள்ள இடம்?

சின்னத் திருப்பதி கோயில்.

- தினகரன்

அறிய தந்தமைக்கு நன்றி அண்ணா