ஃபிங்கர் பைப்ஸ்

என்னென்ன தேவை?

அரிசி மாவு - 1 1/4 கப்,
கொப்பரை பொடி - 2 டேபிள்ஸ்பூன்,
எண்ணெய் - 1 டீஸ்பூன்,
சீரகம் - 1/2 டீஸ்பூன்,
கறுப்பு எள் - 1 டீஸ்பூன்,
உப்பு - தேவைக்கு,
பொடியாக நறுக்கிய வெங்காயம் - 1,
எண்ணெய் - தேவையான அளவு.  

எப்படிச் செய்வது?  

அரிசி மாவை மிதமான தீயில் வறுத்து வைக்கவும். தண்ணீரை கொதிக்க விட்டு தேவையான உப்பு சேர்த்து, சீரகம், எள்ளைப் பொடித்து சேர்க்கவும். வெங்காயத்தை லேசாக எண்ணெயில் வதக்கி தண்ணீர் கலவையில் சேர்க்கவும். அத்துடன் வறுத்த அரிசி மாவு, கொப்பரை பொடி, ஒரு டீஸ்பூன் எண்ணெய் சேர்த்துக் கலந்து இறக்கி வைக்கவும். இதுதான் ஃபிங்கர் பைப்ஸுக்கு தேவையான கலவை.இந்தக் கலவையில் கொஞ்சம் எடுத்து மெல்லியதாக சிறு பூரிகளாக தேய்க்கவும். அதன் மத்தியில் விரல் போல் இடம் விட்டு ரோல் செய்யவும். பின் அதை சீல் செய்து பைப் மாதிரி அல்லது சிறு விரல் அளவுக்கு (மத்தியில் ஒரு விரல் போக வேண்டும்) 1 1/2 இஞ்ச் நீளத்துக்கு குழல் போல சுருட்டி வைத்துக் கொண்டு சூடான எண்ணெயில், மிதமான தீயில் பொரித்து எடுத்து எண்ணெய் வடித்து ஆறியதும் எடுத்து வைக்கவும். தேங்காய் வாசனையுடன் வித்தியாச சுவையில் இருக்கும் இந்த கார வகை.  

- தினகரன்