பிரெட் பூந்தி சாட்

என்னென்ன தேவை?

வேகவைத்து மசித்த உருளைக்கிழங்கு - 4,
காரா பூந்தி - 1 கப்,
துருவிய சீஸ் - 1 டேபிள்ஸ்பூன்,
வெண்ணெய் - 2 டேபிள்ஸ்பூன்,
உப்பு - 1/2 டீஸ்பூன்,
கருப்பு உப்பு - 1/2 டீஸ்பூன்,
மிளகுத் தூள் - 3/4 டீஸ்பூன்,
சாட் மசாலா - 1/2 டேபிள்ஸ்பூன்,
பிரெட் துண்டுகள் - 6,
பொடித்த கொத்தமல்லி, பொடியாக நறுக்கிய பச்சை மிளகாய் - 1 டேபிள்ஸ்பூன்.
எப்படிச் செய்வது?

சீஸ், வெண்ணெய், உப்பு, மிளகுத் தூள், பொடித்த மல்லி, பச்சை மிளகாய், வேக வைத்து மசித்த உருளைக்கிழங்கு எல்லாவற்றையும் சேர்த்து மசித்து வைத்துக் கொள்ளவும்.பிரெட்டை விருப்பமான வடிவத்தில் வெட்டி தவாவின் மேல் வைத்து இரண்டு பக்கமும் திருப்பிப் போட்டு மொறு மொறுப்பாக பொன் நிறமாக வந்ததும் எடுத்து உருளைக்கிழங்கு கலவையை அதன் மேல் வைத்து அதன் மேல் காரா பூந்தி தூவி, சாட் மசாலா, கருப்பு உப்பு, கொத்தமல்லித்தழை போட்டு உடனே பரிமாறவும். எந்த சாட்டாக இருந்தாலும் உடனே பரிமாற வேண்டும். அப்போதுதான் கரகரப்பாக இருக்கும்.

- தினகரன்

பதிவிற்கு நன்றி