ரிப்பன் பஃப்

என்னென்ன தேவை?

மைதா - 250 கிராம்,
உப்பு - 1/4 டீஸ்பூன்,
சர்க்கரை - 1 டேபிள்ஸ்பூன் அல்லது 1 முட்டை,
வனஸ்பதி - 100 கிராம்.
எப்படிச் செய்வது?

மைதாவில் உப்பு, முட்டை அல்லது சர்க்கரை சேர்க்கவும். தண்ணீர் விட்டு சப்பாத்தி மாவு போல் பிசையவும். பிசைந்த மாவை பெரியதாக திரட்டி, 50 கிராம் வனஸ்பதியை மேலே தடவி நான்கு புறமும் மடித்து 15 நிமிடங்கள் ஊற விடவும். பின்பு மடித்ததை எடுத்து மறுபடியும் வட்டமாக திரட்டி, மீதமிருக்கும் 50 கிராம் வனஸ்பதியை மேலே தடவி, மடித்து 10 நிமிடங்கள் ஊற விடவும். பிறகு மறுபடியும் திரட்டி, சின்னச் சின்ன செவ்வகமாக வெட்டி ரிப்பன் போ (Bow) போல் சுழற்றி வெண்ணெய் தடவிய ட்ரேயில் அடுக்கி 180 டிகிரி சென்டிகிரேட் சூட்டில் 10-15 நிமிடங்கள் பேக் செய்யவும். கரகரப்பான இந்த ரிப்பன் பஃப் சுவையாக இருக்கும். டீ டைமில் ஸ்நாக்ஸாக எடுத்துக் கொள்ளலாம்.

- தினகரன்