உள்ளித் தீயல்

[You must be registered and logged in to see this image.]

என்னென்ன தேவை?

சின்ன வெங்காயம் - 100 கிராம்,
தேங்காய் - ஒரு மூடி,
பச்சை மிளகாய் - 5,
மிளகாய் தூள் - 3 டீஸ்பூன்,
புளி - எலுமிச்சை அளவு,
உப்பு - தேவைக்கு,
வெந்தயம், கறிவேப்பிலை, தேங்காய் எண்ணெய் - தாளிக்கத் தேவையான அளவு.

எப்படிச் செய்வது?

சின்ன வெங்காயத்தை தோல் உரித்து, இரண்டு இரண்டாக வெட்டி வைத்துக் கொள்ளவும். தேங்காயைத் துருவி நன்றாக வறுத்து எடுத்துக் கொள்ளவும். வறுத்த தேங்காயுடன் மிளகாய் தூள் சேர்த்து மிக்ஸியில் அரைத்துக் கொள்ளவும். கடாயில் தேங்காய் எண்ணெய் விட்டு வெந்தயம், கறிவேப்பிலை போட்டுத் தாளிக்கவும். வெங்காயத்தையும் நறுக்கிய பச்சை மிளகாயையும் போட்டு வதக்கவும். நன்றாக வதங்கிய பின் தேங்காய்க் கூட்டைப் போட்டு உப்பு போட்டு புளியைக் கரைத்து ஊற்றவும். நன்றாக கொதிக்க விடவும். கொதித்த பிறகு இறக்கவும். உள்ளித் தீயல் ரெடி.

- தினகரன்