ஜில் ஜில் ஜிகர் ட்ரிங்க்

என்னென்ன தேவை?

பாதாம் பிசின் - ஒரு டேபிள்ஸ்பூன்,
நன்னாரி சர்பத் - 2 டேபிள்ஸ்பூன்,
ஐஸ் பால் - 2 கப் (சர்க்கரை சேர்த்தது),
வெனிலா ஐஸ்க்ரீம் - 1 கப்,
ஊற வைத்த சப்ஜா விதை - 1 டேபிள்ஸ்பூன்.
எப்படிச் செய்வது?

பாதாம் பிசினை ஒருமுறை கழுவி, அரை கப் தண்ணீரில் ஊற வைக்கவும். சுமார் ஆறு மணி நேரம் ஊறினால் ஒரு டேபிள்ஸ்பூன் பாதாம் பிசின் ஒரு பெரிய கப்  அளவுக்கு வரும். ஐஸ் பாலுடன் பாதி ஐஸ்க்ரீம் சேர்த்து மிக்ஸியில் அடிக்கவும். பெரிய கண்ணாடி டம்ளரில் ஒரு டேபிள்ஸ்பூன் ஊற வைத்த பாதாம் பிசினைப்  போடவும். அதன் மேல் நன்னாரி சர்பத்தை ஊற்றவும். பிறகு ஐஸ் பால் சேர்க்கவும். சப்ஜா விதை சேர்த்து மேலே ஐஸ்க்ரீம் மிதக்க விட்டுப் பரிமாறவும். சப்ஜா விதை விரும்பினால் சேர்க்கலாம். உடம்புக்கு குளிர்ச்சி என்பதால் சேர்ப்பது நலம். பாதாம் பிசின் நாட்டு மருந்துக் கடைகளில் கிடைக்கும்.

- தினகரன்