ஸ்பைஸி பனீர் கபாப்

என்னென்ன தேவை?

பனீர் - 1 கப்,
சதுரமாக வெட்டிய வெங்காயம் - 1/4 கப்,
சதுரமாக வெட்டிய குடைமிளகாய் - 1/4 கப்,
தயிர் - 2 டேபிள்ஸ்பூன்,
உப்பு - தேவைக்கேற்ப,
மிளகாய் தூள் - 1/4 டேபிள்ஸ்பூன்,
கரம் மசாலா - 1/4 டேபிள்ஸ்பூன்,
இஞ்சி-பூண்டு விழுது - 1/4 டேபிள்ஸ்பூன்,
மஞ்சள் தூள் - 1 சிட்டிகை,
எண்ணெய் - 3 டேபிள்ஸ்பூன்.

எப்படிச் செய்வது?

பனீரை பெரிய சதுரத் துண்டுகளாக வெட்டி, சுடுநீரில் போட்டு ஐந்து நிமிடம் கொதிக்க வைக்கவும். பிறகு, தண்ணீரை வடிகட்டி வைக்கவும். தயிர், உப்பு, மிளகாய் தூள், கரம் மசாலா, இஞ்சி-பூண்டு விழுது, மஞ்சள் தூள், ஒரு டீஸ்பூன் எண்ணெய் அனைத்தையும் ஒன்றாகக் கலக்கவும்.

அதில் பனீரை பிரட்டி தனியே எடுத்து வைக்கவும். மீதமுள்ள தயிர் கலவையில் வெங்காயத்தையும் குடைமிளகாயையும் பிரட்டி அரை மணி நேரம் வைத்திருக்கவும். நான்ஸ்டிக் தோசைக்கல்லில் எண்ணெய் தடவி, பனீர் துண்டுகள், வெங்காயம், குடைமிளகாய் துண்டுகளை சுட்டு எடுக்கவும். ஒரு டூத் பிக்கில் பனீர், வெங்காயம், குடைமிளகாய் என்று அடுக்கி குத்திப் பரிமாறவும்

- தினகரன்