ஃப்ளையிங் பீட்ஸா

என்னென்ன தேவை?

பீட்ஸா பேஸ் - 4,
பொடியாக நறுக்கிய வெங்காயம் - 1/4 கப்,
தக்காளி, கேரட், குடைமிளகாய் - மொத்தமாக 1 டேபிள்ஸ்பூன்,
சீஸ் - 2 டேபிள்ஸ்பூன்,
தக்காளி சாஸ் - 1 டேபிள்ஸ்பூன்.
எப்படிச் செய்வது?

மைக்ரோவேவ் அவனை 180 டிகிரியில் 10 நிமிடம் ப்ரீ ஹீட் செய்யவும். பீட்ஸா பேஸில் தக்காளி சாஸை தடவவும். வெங்காயம், தக்காளி, கேரட், குடைமிளகாயை பரவலாக தூவவும். இறுதியாக சீஸை பரவலாக தூவவும். ப்ரீ ஹீட் செய்யப்பட்ட அவனில் பீட்ஸாவை அடுக்கி 5 நிமிடம் மட்டும் சூடாக்கவும். காய்கறிகளுக்கு பதில் மீதி இருக்கும் பொரியலைக் கூட வைக்கலாம். ஆனால், சீஸ் அவசியம் தேவை. மைக்ரோவேவ் அவன் இல்லையென்றால், நான்ஸ்டிக் தவாவில் மெதுவான தீயில் 5 நிமிடம் மூடி வைக்கலாம். பீட்ஸா பேஸ் சிறியதாக இருந்தால் டாப்பிங் நன்றாக இருக்கும்.

- தினகரன்