ஆக்ராடின் (AUGRATIN)

என்னென்ன தேவை?  

பொடியாக நறுக்கி, வேகவைத்த காய்கறிகள் - 1 கப் (கேரட், உருளை, காலிஃப்ளவர்),
ஒயிட் சாஸ் - 1 கப்,
உப்பு - தேவையான அளவு,
மிளகுத் தூள் - 1 டேபிள்ஸ்பூன்,
துருவிய சீஸ் - 1/4 கப்.
எப்படிச் செய்வது?

மைக்ரோவேவ் அவனை 200 டிகிரியில் 15 நிமிடம் ப்ரீ ஹீட் செய்யவும்.  ஒயிட் சாஸுடன் மிளகுத் தூள், உப்பு கலந்து வைக்கவும். 1/4 கப் ஒயிட் சாஸ் கலவையை தனியே எடுத்து வைக்கவும். மீதி ஒயிட் சாஸுடன் காய்கறிக் கலவை, பாதி சீஸ் சேர்த்து கலந்து வைக்கவும். ஒரு பேக்கிங் ட்ரேயில் சிறிது வெண்ணெய் தடவி காய்கறிக் கலவையை நிரப்பவும். மீதி இருக்கும் ஒயிட் சாஸை பரவலாக ஊற்றவும்.

மீதி இருக்கும் சீஸையும் பரவலாகத் தூவவும். மைக்ரோவேவ் அவனில் வைத்து 200 டிகிரியில் 30 நிமிடம் பேக் செய்யவும். மேலே பொன்னிறமாக வந்தவுடன் எடுத்து கார்லிக் பிரெட்டுடன் பரிமாறவும். மைக்ரோவேவ் அவன் இல்லாவிட்டால் இட்லி குக்கரில் பெரிய பாத்திரத்தில் வைத்து 20 நிமிடம் ஆவியில் வேக வைக்கவும்.

- தினகரன்