பங்காரு லாடு

[You must be registered and logged in to see this image.]

என்னென்ன தேவை?

கடலை மாவு - 2 கப்,
நெய் - 1/2 கப்,
தண்ணீர் - 1 கப்,
ஏலக்காய் தூள் - 1 டீஸ்பூன்,
சர்க்கரை - 1 1/2 கப் (தேவைக்கு),
எண்ணெய் - பொரிப்பதற்குத் தேவையான அளவு.

எப்படிச் செய்வது?  

ஒரு வாய் அகன்ற பாத்திரத்தில் கடலை மாவை சலித்துக் கொள்ளவும். அதில் தண்ணீர் சேர்த்து கலக்கி இளம் முறுக்குப் பதத்துக்கு வைத்துக் கொள்ளவும். 1  டேபிள்ஸ்பூன் நெய்யை சூடு செய்து அந்தக் கலவையில் ஊற்றவும். மீண்டும் நன்கு கலக்கவும். எண்ணெயை மிதமான தீயில் சூடு செய்து கடலை மாவுக்  கலவையை தேன்குழல் முறுக்கு அச்சில் போட்டு சூடான எண்ணெயில் பிழியவும். பெரிய பெரிய முறுக்காக பிழியவும். இதை 2, 3 முறை பிழியவும். அதிக கரகரப்பாக சுடக் கூடாது. மிதமான தீயில் 3/4 பாகம் வெந்தால் போதும். பொரித்த பெரிய முறுக்குகளை எடுத்து, வடித்து, ஆற விட்டு, உடைத்து  மிக்ஸியில் பவுடராக பொடித்து கட்டி இல்லாமல் சலித்து வைக்கவும்.

வேறு ஒரு பாத்திரத்தில் தேவையான தண்ணீர், சர்க்கரை போட்டு ஒரு கம்பி பாகு பதத்துக்கு காய்ச்சவும். ஏலக்காய் தூள் சேர்க்கவும். தேன்குழல் பவுடரை பாகில்  கொட்டவும். அதில் நெய் சேர்த்துக் கிளறி சுருண்டு வரும்போது இறக்கி நெய் தடவிய தட்டில் கொட்டவும். கை சூடு பதம் பார்த்து லட்டு பிடிக்கவும். இந்த லட்டு  15 நாட்கள் வரை கெடாமல் இருக்கும்.

- தினகரன்