நனைந்த புத்தகம்!

by kanmani singh Mon Nov 10, 2014 4:56 pm

புரட்டிப் பார்க்கிறேன்
என் கவிதைப் புத்தகத்தை...
புன்னகையில் பூத்த கவிதைகளைவிட
கண்ணீரில் தெறித்த கவிதைகளே அதிகம்!
காதலை மறைத்தன சில
காதலைச் சொல்லின சில...
கண்ணீரை விழுங்கின சில
கண்ணீரைச் சொரிந்தன சில...
எழுதிய என் கண்ணீர் பட்டு
எழுத்துக்களை இழந்திருந்தன பல!
ஒரு நூறு பக்கங்கள் கொண்ட புத்தகமே
ஆயினும்...
கண்ணீரில் நனைந்த புத்தகம்
ஆதலால்...
ஒரு நூறு கிலோ எடை கொண்டிருக்கும்!
அட்டையில்
பற்றி எரியும் ஒரு இதயத்தின் படமிருக்கிறது
இன்னும் அணையாமல்
அது பற்றித்தான் எரிகிறது
கண்ணீரெனும் எண்ணை
எப்போதும் ஊற்றப்படுவதால்!