காலா ஜாமூன்

[You must be registered and logged in to see this image.]

என்னென்ன தேவை?

பனீர் - 200 கிராம்,
கோவா - 50 கிராம்,
மைதா - 3 டீஸ்பூன்,
ரவை - 1 1/2 டீஸ்பூன்,
Food Malic Acid - 1/4 டீஸ்பூன் (பெரிய ஸ்டோர்களில் கிடைக்கும். கிடைக்காதவர்கள் ஒரு சிட்டிகை ஆப்ப சோடா சேர்த்துக் கொள்ளலாம்),
நெய் - 2 டேபிள்ஸ் பூன்,
பால் பவுடர் - 100 கிராம்,
பேக்கிங் சோடா - ஒரு சிட்டிகை,
சர்க்கரை - 300 கிராம்,
தண்ணீர் - 1 1/2 லிட்டர்,
முந்திரி, திராட்சை - தலா 15,
ஆரஞ்சு கலர் - சிறிது,
எண்ணெய் - பொரிப்பதற்கு,
குங்குமப்பூ, ஏலக்காய் தூள் - சிறிது.  

எப்படிச் செய்வது?  

பனீர், பால் பவுடர், கோவா, ரவை, மைதா, பேகிங் பவுடர், மாலிக் ஆசிட் ஒரு சிட்டிகை, ஆரஞ்சு கலர், உருக்கிய நெய் சேர்த்து தேய்க்கவும். மெதுவாக வந்த பின் எடுத்து தனியாக வைக்கவும். தேவைப்பட்டால் சிறிது வெதுவெதுப்பான தண்ணீர் சேர்த்து பிசையவும். 2 நிமிடம் தனியாக வைக்கவும். 300 கிராம் சர்க்கரையுடன் ஒன்றரை லிட்டர் தண்ணீர் சேர்த்துக் கொதிக்க விடவும். பிசுபிசுப்பு பதம் வரும் அளவு (இதில் 1/2 டீஸ்பூன் எலுமிச்சைப்பழச் சாறு சேர்த்தால் பாகு முறியாது) காய்ச்சவும். இதில் குங்குமப் பூ, ஏலக்காய் தூள் சேர்க்கவும்.

இப்போது பிசைந்து வைத்த பனீர், கோவா கலவையில் இருந்து சிறுசிறு உருண்டைகளாக செய்து சிறிது ஏலக்காய் விதை, பொடித்த முந்திரி, திராட்சை வைத்து அழுத்தி மீண்டும் வெடிப்பு இல்லாமல் உருட்டி மிதமான தீயில் எண்ணெயை காய வைத்து நல்ல டார்க் பிரவுன் ஆகும் வரை ஜாமூனை பொரித்து எடுத்து சூடாக இருக்கும் பாகில் போடவும். பாகில் 8 மணி நேரம் இருக்க வேண்டும். பின் பரிமாறவும்.  ( ஜாமூனை பொரிக்கும்போது கரண்டியால் கலக்கக் கூடாது. வடை கம்பியால் மெதுவாக உடையாமல் சுழற்றி பொரித்து எடுக்க வேண்டும்.

- தினகரன்

பகிர்வுக்கு நன்றி